Abdujalilov_A|Blog

This masterpiece goes perfectly on the Sunday evening while contemplating, analyzing the last week and planning the new one, especially after stressful days.

Inson odatda qaror qilishda shaxsiy tajribalariga asoslanadi. Bizdagi shaxsiy tajribalar esa dunyodagi reallikka 0,0000001% ham to‘g‘ri kelmaydi. Biz voqeani faqat bitta kichkina qisminigina ko'ramiz, aslida unda biz ko'ra olmaydigan minglab tomonlari bor.

Shuning uchun qaror qilishda, insonlar haqida xulosa qilishda, va eng asosiysi kelajakda nimadir bo‘ladi deb aytishdan oldin iloji boricha boshqa tomonlardan ham ko‘rishga harakat qilish kerak. Afsuski 90% dan ortiq odam kallasiga kelgan birinchi fikrni to‘g‘ri deb biladi.

"Men adashayotgan bo‘lsamchi?" degan savolni berish muhim.

#thinkaboutit

Mashina yoki har qanday texnika qancha ko'p ishlatilsa shuncha ojizlanib, sifati tushib boradi.

Odam tanasi esa aksi, qancha ko‘p, to‘g‘ri holatda ishlatilsa, sport bilan shug'ullanilsa shuncha sifati oshib boradi.

Umid bor joyda inson qalbi yashnaydi. Dunyodagi eng yomon inson bo'lsangiz ham yaxshilanish uchun imkon bor, umid bor.

Maqsad qo'ying, katta katta maqsadlar qo'ying lekin mohiyatni, qadriyatlaringizni unutmang. Asl missiyangiz eng ustuni bo'lsin. Sizni gunohga, orqaga tortadigan minimum narsalardan ham voz keching.

Mukammal bo'lish shart emas, "o'zini o'zgartirish" ga o'xshagan balandparvoz gaplar haqida aytmayapman. Insonlarga nimanidir isbotlash/ko'rsatish uchun emas, samimiy, o'zingiz uchun harakat qiling. Xulqingiz ustida ishlang, oilangiz hayotini har tomonlama yaxshilashga harakat qiling. O'zingizni taniysiz bu yo'ldagi qiyinchiliklar davomida. Rivojlanishdan, ilm olishdan to'xtamasligimiz kerak.

Muhit sizga xalaqit bersa uni yorib chiqing. O'zgartirishni iloji bo'lmasa qobiq yarating. Samimiy bo'ling, bu insonlarni chetga surish degani emas shunchaki sizga foydali bo'lgan ma'noli ishni qilishdir. O'zingizni kitoblar, podcastlar bilan izolyatsiya qiling.

Bu rivojlanish yo'lida siz insonlar uchun "o'zgarib qolgan", "kibrli" ko'rinishida bo'lasiz, ba'zilardan ayrilasiz. E'tiborsiz qoldiring hammasini. Aslida bu saralanish jarayonidir. Sizda nimanidir ko'ra olganlar, tushunganlar siz bilan qoladi baribir.

Uchishdan to'xtamang...

#hot_topic

Unconditional Love

Sevgini har xili bor va bu insonni qadriyatlariga va shaxsiy normalariga ko'ra farq qiladi.

Kimdir uchun bitta sherik bo'lsa bas, ma'lum yoshga yetdimi uylanish/turmush qurish shart, chunki jamiyat shunday va shuni talab qiladi.

Kimdir faqat tashqi ko'rinishga qarab sevadi. Oliy me'zon bu chiroyli tashqi ko'rinish va bo'y bast. Bu keyinchalik, fikrlash va qadriyatlar mos tushmagach, muammolarga sabab bo'lishi mumkin.

Kimdir uchun esa asosiy me'zon mol-dunyo, ko'p pul bo'ladi. Yuqoridagi sababga ko'ra bu yerda ham, uzoq muddatda muammolar kelib chiqishi mumkin.

Yana kimdir uchun o'zini dardini to'kib soladigan, uni tushuna oladigan odam kerak. Bunday inson uchrash ehtimoli kam, chunki bir-birini haqiqatda tushuna olish, bir-biriga qattiq bog'lanish yillar davomida birga yashash bilangina bo'ladigan narsa.

Sezganingizdek, yuqoridagi misollarni hammasida qandaydir manfaat ko'zlangan. Muammo shuki, hech kim sizga men seni chiroying, puling va hk uchun yaxshi ko'raman demaydi, samimiy, manfaatlarsiz yaxshi ko'raman deydi.

Xo'sh, Unconditional love (hech qanday manfaatlarsiz, samimiy yaxshi ko'rish, shartsiz sevgi) ni qanday bilamiz?

Qiziqish. Sizni shartsiz yaxshi ko'rgan kishi sizga, orzu-maqsadlaringizga kamida sog'ligingizga qiziqadi. Qadriyatlaringizga, fikrlashingizga qiziqadi va ularni bilishga harakat qiladi. Muvaffaqiyatingizga chin dildan xursand bo'ladi, yiqilsangiz xafa bo'ladi va buni sizga bildirish uchun harakat qilmaydi. Hammasi haqida shunchaki so'rab qo'yish bilan emas, chin dildan hammasini bilishga harakat qiladi. Samimiylikni esa ko'zlardan bilib olish muammo emas.

#lookbroaderbaby

Bular shaxsiy fikrlar! Sizni ham fikringiz qiziq menga.

Qiyinmi?

Aslida hech narsa qiyin emas. Lekin bu faqat intizomli (discipline) insonlargagina tegishli. Bu nima degani?

Til o'rganish - so'zlarni qayta qayta takrorlash, o'qish, eshitish, gapirish, yozish, mashq qilish.

Tibbiyot - barcha bo'limlarni tartib bilan o'rganish. 1-2 yilda tibbiyotni katta qismini qotirib qo'ysa bo'ladi.

Kitob o'qish - kuniga 30-40 bet o'qilsa, 3-4 yilda 120-200 ta kitob o'qisa bo'ladi.

Qur'on yodlash - kuniga 5 qator yodlasa, 5 yilda butun Qur'onni yodlasa bo'ladi.

Hech qaysi juda murakkab narsalar emas, aqlan sog'lom, miyasida travma bo'lmagan odam uchun tushunish, o'rganish bilan muammo bo'lmaydi.

Ya'ni gap insonni oldidagi narsani qiyinligi yoki osonligida emas, hammasi uni o'ziga bog'liq, o'zi bilan kurashishiga bog'liq.

Intizomli insonga hamma narsaga erishish faqat vaqt masalasi bo'ladi.
Aziz Rahimov

Discomfort, discomfort discomfort!

Komfort zona mazza, qiyinchilik yo'q, ortiqcha urinish yo'q. Hamma ishni yengilgina, og'rinmasdan qilsa bo'ladi.

Rivojlanish yo'lini tanlab komfort zonadan chiqishni boshlagan sari, o'zingni diskomfort his qilishni boshlaysan kishi. Mavhumlik, shubhalar, qo'rquvlar, og'irlik hissi, yolg'izlik va hk.

Qaror qabul qilasan, lekin bu o'zi to'g'rimi yo'qmi bilmaysan. Kelajak bu mavhumlik. Nima bo'lsa bo'lar deb aytasan, baribir ichingda qo'rquv, shubha bo'ladi. Ba'zan esa qilgan qarorlaring o'zingga g'irt axmoqona bo'lib ko'rinadi. Rostan shunday bo'lishi ham mumkin.

Enshteyn: Biz muammolarni ularni yaratgan paytimizdagi fikrlashimiz bilan hal qila olmaymiz.

Xatolar rivojlanishning bir qismi. Diskomfortga, og'riqlarga (friction, tension) chiday olganlargina rivojlanadi.

#caution

Ba'zan maslahatlarda ham manfaatlar ko'zlangan bo'ladi.

Ertalab sovuqda (-2) yugurayotganda odamlar shunday qaraydiki nima demoqchiligini shundoqqina bilsa bo'ladi:

"Zarurmi senga shuncha sovuqda yugurish..."

Xuddi yugurishga chiqishdan oldin nafs qulog‘imga pichirlagandek...


Bu meni faqatgina kuchli qilishini va uyga qaytgandagi rohatni bilganim uchun o‘zimni qiynashda davom etaveraman...

#anglashlardan

- Jismonan yaqin degani qalban yaqin degani emas, va aksincha, ba‘zan masofa va vaqt chin muhabbat uchun to‘siq bo‘la olmaydi...


- Inson tanqidga, rivojlanishga, qiyinchiliklarga ochiq bo‘lishi muhim...

- Kishi qachon fokusni insonlardan ko‘ra o‘ziga qaratishni boshlaganida o‘zini kashf qilishni boshlaydi. Yaxshilanish, rivojlanish faqat va faqat o'zini tanishdan boshlanadi, odamlarni yaxshi yoki yomonligini muhokama qilishdan emas...

- Insonni qandayligi(xulqi, xarakteri) haqida so‘zlar, storieslardan ko‘ra amallari ko‘proq narsa aytadi.

Samimiylik yo'qolgan ko'zlar

Atrofimga boqdim, to'la insonlar
Har biri o'zining dardidan so'zlar.
Lekin, eshitgisi kelmas bizning so'zimiz
Balki, samimiylik xislatin yo'qotgan ular.

O'z ichimga boqdim, ko'rdim o'zimni
Ex, ovora bo'libman insonlar bilan,
Ko'p aldabman o'zimni "rost" so'zlar bilan,
Balki, samimiylik xislatin yo'qotgandirman.

Ey nafs, bas qil "rost" yolg'onlarni
Men xohlamasman shuhrat, mol-dunyo.
Charchamaysan yetaklab yomon ishlarga,
Men seni boshlayman xotirjamlikka.

11.12.2024

Abdujalilov_blog

#deep_meaning

Nodonga iltifot qilmoq ne kerak,
Johilni dilbar so‘z hurkitar ayon.
Dumini tarasang tepadi eshak,
Boshini silasang nish urar chayon.


Erkin Vohidov

Inson yolg'iz qolganda, o‘zini hurmat qilmaslikdan yomoni yo‘q.

Aziz Rahimov

Abdujalilov_blog

Existential crisis - Mavjudlik inqirozi

Aminmanki shu paytgacha bir marta bo‘lsa ham o‘zingizga "Hammasini, yashashdan ma‘no, maqsad nima o‘zi?" degan savolni bergansiz. Agar yo‘q bo'lsa katta ehtimol bilan endi duch kelasiz. Ko‘pchilik boshdan kechiradigan bu his Existential crisis( mavjudlik inqirozi) deyiladi. Bu holat inson biror yaqin kishisini yo‘qotganda, kuchli stress yoki hayotdan ma‘no qidirish orqali paydo bo‘ladi. Sodda qilib aytganda bu his, insonni borliq ma‘nosini, yashashdan maqsad o‘zi nimaligini anglashga, bilishga undaydi. Bu turli yoshda uchrashi mumkin, ko‘p hollarda o‘smirlik davrida bo‘ladi.

Mavjudlik inqirozini boshdan kechirayotgan kishi atrofdagi hamma narsani so‘roqqa tuta boshlaydi. Hayotning mohiyati o‘zi nima? Qayerdan va nima uchun kelganman? Kimman o‘zi? Oxirida nima bo'ladi? va shunga o‘xshash chuqur, fundamental savollarga javob topishga qiynaladi. Sezganingizdek bu savollarga javob topish osonmas va ma‘lum vaqt davomida insonni stressga solib qo‘yadi. Agar bu jarayon uzoq vaqt davom etsa depressiyaga ham sabab bo‘ladi. Hech narsadan ma‘no topmaganlar va oxirida nima bo‘lishi haqida javob topolmaganlar o‘z joniga qasd qilishgacha borishi mumkin.

Lekin ko‘p insonlarda Mavjudlik inqirozi hayotni yaxshi tomonga keskin o‘zgarishiga sabab bo‘ladi. Chunki inson eng fundamental savollarga javob topgach, hayotni ma‘nosini anglagach qadriyatlarini taniy boshlaydi. Har bir harakatini maqsadli ravishda, qadriyatlariga mos ravishda qila boshlaydi. Bu degani endi u inson mukammal bo‘ladi degani emas, albatta xatolar hayotimizning tabiiy va katta bir qismi. Muhim joyi shuki, o‘zini anglagan, hayotni ma‘nosini anglagan inson ko‘p hollarda qo‘pol va kuchli emotsional xatolar va qarorlar qilmaydi. Ko‘pchilikdan farqli ravishda hayotda ma‘no va maqsad bilan yashaydi.

@abdujalilov_blog