Huquq.uz

@a_huquq_uz

Kanal geosi va tili: O‘zbekiston, O‘zbekcha

Toifa: Boshqalar

Хуқуқий маслаҳат портали

Связанные каналы

Kanal geosi va tili

O‘zbekiston, O‘zbekcha

Toifa

Boshqalar

Statistika

Saralanganlar

Postlar filtri

O‘chirilganlarni yashirish

Repostlarni yashirish

Huquq.uz

24 Aug, 16:59

Терговчи қўлга тушган ёки ишдан кетган вақтда биринчи кимни сўрайди деб ўйлайсиз?

Ўзи сиғинган тизимига эмас, ўша ёмон кўрган, ўзи менсимаган, эшик олдида сарғайтирган, илтимосномаларини бир тийинга олмаган адвокатга. Яна қайси адвокатга дейсизми? Ўзи билан мижози учун энг кўп тортишган адвокатга ялиниб боради, нимага дейсизми? Чунки у билади — тизим уни ҳимоя қилмаслигини, шу адвокат эса мижози учун ҳар нарсага тайёрлигини.

адвокат Жасур Ражабов

@a_huquq_uz

105 0 0 2 5

Huquq.uz

24 Aug, 14:36

Президент 2025 йил 5 март куни мутасаддиларга уч ой ичида адвокатлар фаолиятига тўсқинлик қилаётган омилларни бартараф этиш бўйича қонун лойиҳасини киритиш топшириғини берган эди.

Бу вазифа 2025 йил 21 апрелдаги ПФ–71-сонли Фармонда ҳам мустаҳкамланиб, лойиҳани 2025 йил июнь ойига қадар тайёрлаш белгиланди. Масъуллар орасида Адлия вазирлиги, Адвокатлар палатаси, Олий суд, Бош прокуратура, Давлат хавфсизлик хизмати ва Ички ишлар вазирлиги ҳам бор эди.

Белгиланган муддат ўтганига эса бир йилдан ошди. Таклифлар айтилди, муҳокамалар ўтказилди. Аммо адвокатга тўсқинликни амалда тўхтатадиган таъсирчан механизм ҳали ҳам кўринмаяпти.

Бу орада Президент топшириғисиз ҳам чексиз эркинликлар берувчи қанча қонунлар қабул қилиниб кетди. Ўқисангиз кўзларингиз қувнайди.

@a_huquq_uz

256 0 0 2

Huquq.uz

24 Aug, 13:20

Ноқонуний миграцияни ташкил этганлик учун жиноий жавобгарлик белгиланиши мумкин

Ўзбекистонда Жиноят кодексига янги 223-1-модда киритиш таклиф этилмоқда.

Унга кўра, ноқонуний миграцияни ташкил этиш алоҳида жиноят тури сифатида белгиланиши мумкин.

Амалдаги қонунчиликда ноқонуний равишда чет элга чиқиш ёки Ўзбекистонга кириш учун жавобгарлик бор. Аммо бу норма ташкилотчилар, воситачилар, молиялаштирувчилар ва логистика билан таъминловчи шахсларни тўлиқ қамраб олмайди.

Шунингдек, бундай жиноятлар бўйича дастлабки терговни ички ишлар органлари олиб бориши таклиф қилинмоқда.

@a_huquq_uz

306 0 1

Huquq.uz

24 Aug, 12:40

Адвокатнинг Қашқадарё вилояти ИИБ биносидан чиқиб кетишига тўсқинлик бўлаётганлиги хабар қилинмоқда.

Бу ЖИНОЯТ жаноблар!

ИИВ раҳбариятидан айбдорларга қатъий чора кўришни сўраймиз.

@a_huquq_uz

702 0 14 1

Huquq.uz

24 Aug, 12:20

ABB банки Ўзбекистон бозорига киргани расман эълон қилинди

Ўзбекистон Президенти Шавкат Мирзиёев билан ўтказилган музокаралар якунида Озарбайжон Президенти Илҳом Алиев эришилган натижалар қаторида Озарбайжоннинг етакчи банки Ўзбекистон бозорига кириб келганини ҳам санаб ўтган.

Ўтган куни Ўзбекистон ва Озарбайжон ҳудудлари форумида Озарбайжоннинг энг йирик АВВ банки Давр банкнинг 51%лик назорат пакетини сотиб олиш бўйича битим имзолангани маълум бўлганди.

Шу йил май ойида АВВ банки Давр-банкнинг 51% акцияси учун 100 миллион доллар таклиф этилгани, рухсатномалар олиш ва расмийлаштириш жараёнлари тезда якунланса, ABB жорий йилнинг иккинчи ярмиданоқ Ўзбекистон бозорида „ABB Davr Bank“ номи билан фаолият бошлаши мумкинлиги айтилганди.

12,1 трлн.сўмлик активларга ва 1,9 трлн.сўмдан кўпроқ капиталга эга Давр банк 2025 йилни халқаро стандартлар бўйича 667 млрд.сўм соф фойда билан якунлаган.

Агар битим бўйича аввал очиқланган рақамлар доирасида келишув ёпилган бўлса, банк акциялари номиналига нисбатан 1,2*х даражасида баҳоланган бўлиб чиқади. Ўзбекистон банк бозоридаги кичик ва ўрта банклар учун мазкур битим жуда яхши бенчмарк бўлиб хизмат қилади.

@a_huquq_uz

321 0 0

Huquq.uz

24 Aug, 11:56

Адвокат бор-ку, лекин уни эшитишяптими?

Жиноят процессида баъзан ғалати манзарага дуч келамиз. Адвокат бор. Ордери бор. Судда ҳам ўтирибди. Қоғозда қарасангиз, ҳимоя ҳуқуқи таъминланган.

Лекин адвокат илтимоснома беради:
— Гувоҳ чақирайлик.
Рад.
— Видеони талаб қилиб олайлик.
Рад.
— Мутахассисни эшитайлик.
Рад.
— Экспертиза тайинлайлик.
Рад.

Хўп, рад қилиш мумкин. Лекин савол бошқа, нега рад?

Ҳимоячининг илтимосномасига "асос йўқ" ёки "зарурат мавжуд эмас" ё "иш учун аҳамиятга эга эмас" деб қўйиш осон.

Аммо адвокат келтирган аниқ важларга аниқ жавоб қаерда? Масалан, ҳимоя "мана шу камера ёзуви судланувчининг воқеа жойида бўлмаганини кўрсатиши мумкин", деяпти.

Бунга "талаб қилиб олишга зарурат йўқ", деган жавоб берилса, битта муҳим савол очиқ қолади, нега йўқ?

Ахир адвокат суд залида декорация учун ўтирмайди. Унинг вазифаси айбловга қарши далил келтириш, савол бериш, эътироз билдириш, илтимоснома киритиш ва ҳимоя позициясини асослаш.

Шунинг учун адвокатга гапириш имконини бериш ҳали уни эшитиш дегани эмас.

Энг хавфлиси ҳам шу. Процесс ташқи томондан жойида, судья бор, прокурор бор, адвокат бор. Ҳамма ўз жойида.

Аммо ҳимоянинг муҳим важлари бирма-бир жавобсиз қолаверса, тенглик стол-стулларда қолиб, процесснинг ўзида йўқолиб кетади.

Бизнингча, яхши суднинг белгиси адвокатнинг ҳар бир илтимосномасини қаноатлантириш эмас. Йўқ. Яхши суд рад ҳам қилади.

Лекин нега рад қилганини тушунтира олади. Чунки одил судловда энг оғир сўз шуки, "рад этилсин" эмас. Ундан кейин келиши керак бўлган битта сўз бор, "чунки...". Ана шу "чунки" бўлмаса, қарор бор. Лекин ишонч камаяди.

@a_huquq_uz

449 0 5 2

Huquq.uz

24 Aug, 11:26

03:17

Video oldindan ko‘rish uchun mavjud emas

Telegram'da ko‘rish

Ўзбекистон Аёл судьялар ассоциацияси Халқаро Аёл судьялар ассоциациясига қабул қилинди.

Шу муносабат билан Олий суд раисининг аёл судьяларимизга табриги.

@a_huquq_uz

302 0 0

Huquq.uz

24 Aug, 10:04

Жисмоний шахслар учун уч карра ер солиғи бекор қилинди, аввал ҳисобланган суммалар қайта ҳисоб-китоб қилинган.

Ўзбекистон Республикасининг Қонуни билан айрим қонун ҳужжатларига қўшимча ва ўзгартиришлар киритилди.
👉 ЎРҚ-1153-сон, 15.06.2026-й. Унга асосан, Солиқ кодексининг 483-моддаси қуйидаги таҳрир билан тўлдирилди:

Ер участкаларидан ҳужжатсиз фойдаланганлик учун уч каррали солиқ ҳисоблаш тартиби жисмоний шахслар учун 2020 йил 1 январдан 2024 йил 1 июнга қадар бекор қилинди.

Эндиликда солиқ органлари томонидан юқоридаги муддат учун аввал ҳисобланган солиқлар қайта ҳисоб-китоб қилинади.

Қонунда яна қандай асосий ўзгаришлар назарда тутилган?

➖ Ўзбошимчалик билан эгалланган ер участкалари ҳамда уларда қурилган бино ва иншоотларга нисбатан ҳуқуқларни эътироф этиш ишларини жадаллаштириш;;

➖ваколатли ташкилотлар масъулиятини ошириш;

➖ ҳуқуқни эътироф этишга тўсқинлик қилувчи айрим механизмларни соддалаштириш;

➖фуқаролар учун қўшимча қулайликлар яратиш мақсадида солиқ қарздорлиги тушунчасини аниқлаштириш;

➖ҳуқуқларни эътироф этиш билан боғлиқ бўлган ҳужжатларни кўриб чиқиш муддатларини қисқартириш;

➖ ҳуқуқларни эътироф этиш учун бир марталик тўловни бўлиб-бўлиб тўлашни амалга ошириш тартиби ва шартларини белгилаш;

➖ ҳуқуқларни эътироф этиш ишлари билан боғлиқ шикоятларни кўриб чиқиш механизмларини такомиллаштириш.

@a_huquq_uz

731 0 12

Huquq.uz

24 Aug, 08:32

Олий суднинг электрон хизматларида узилишлар кузатилмоқда

Суд мажлислари жадвалини кўриш (jadval2.sud.uz) ва суд ишларини кузатиб бориш (my.sud.uz/court-case) порталлари учинчи кунки ишламаяпти.

Фуқаролар ва адвокатлар учун юзага келаётган муаммолар:

Мажлис вақтини аниқлаш: Бугунги ва яқин кунлардаги суд мажлисларининг аниқ вақтини онлайн текширишнинг имкони бўлмаяпти.

Иш ҳолати ва ҳужжатлар: Суд ишларининг бориши ва қарорларни электрон шаклда олишда тўсиқлар юзага келмоқда.

Бундай вазиятда нима қилиш керак?

Тегишли суд канцеляриясига телефон қилинг: Иш кўрилаётган суднинг девонхонаси (канцелярия) билан боғланиб, мажлис вақти ва хонасини аниқлаштиринг.

Шахсан ташриф буюринг: Агар телефон орқали боғланишнинг имкони бўлмаса ва мажлис куни яқин бўлса, суд биносига олдиндан бориб, масъул ходимлардан маълумот олинг.

Олий суд томонидан ушбу техник узилишлар ва тизимни қайта тиклаш муддатлари бўйича расмий изоҳ берилгани йўқ.

@a_huquq_uz

391 0 7 2

Huquq.uz

24 Aug, 07:29

00:36

Video oldindan ko‘rish uchun mavjud emas

Telegram'da ko‘rish

Нега масалани айтмадингиз десам, сизни хафа қилгим келмади дейди. Хафа қилгиси келмайди-да, орқадан пичоқ уриб қўйишни яхши кўради. Шунча масала чириб ётибди ичкарида.

@a_huquq_uz

369 0 0 2

Huquq.uz

23 Aug, 17:21

«Ўз ҳалоллигини исботлаш учун бошқа бировга атайлаб адолатсиз ва ноқонуний айб юклаш — бу ҳалоллик эмас, балки ҳақиқатни бузиш, адолат тамойилларига хиёнат қилиш ва инсоннинг ҳуқуқ ҳамда шаънини поймол этишдир». Л. Лалуин.

Адвокат Фирдавс Мирисаков

@a_huquq_uz

689 0 5 3 6

Huquq.uz

23 Aug, 16:54

Тошкент шаҳри Муқимий кўчасидаги Низомий номидаги Тошкент давлат педагогика университети ётоқхоналари жойлашган 1 гектар ер бинолари билан сотувга чиқарилибди. Объектнинг бошланғич нархи 272,3 млрд сўм. Бу ер участкаси нодавлат таълим муассасаси ташкил қилиш ва фаолият турини сақлаш шарти билан сотилади.

427 0 1

Huquq.uz

23 Aug, 13:13

Техникумлар билан дуал таълим ташкил қилган тадбиркорларга 2 йиллик имтиёз билан 18 фоизлик кредитлар берилади.

Вазирлар Маҳкамасининг қарори 20.08.2026 йилдаги 449-сон.

@a_huquq_uz

438 0 0

Huquq.uz

23 Aug, 12:18

02:25

Video oldindan ko‘rish uchun mavjud emas

Telegram'da ko‘rish

Фарзандларини моддий таъминлаш - ота-онанинг бурчи

@a_huquq_uz

440 0 4 1

Huquq.uz

23 Aug, 10:28

Vakant-2026.pdf

823.8Kb

ОТМларда қолган бўш ўринлар рўйхати эълон қилинди.

Вакант қолган жойлар сони 31 833 та бўлиб, уларга қўшимча танлов учун рўйхатдан ўтиш 22-августдан бошланди ва 28-августгача (шу куни ҳам) давом этади.

@a_huquq_uz

456 0 6

Huquq.uz

23 Aug, 08:18

Қонун ишламайдими ёки биз уни ишлатишни билмаймизми?

Кеча бир обуначимиз ёзибди: «Бу қарор барибир ишламайди», деб.

Малака оширишда юрган вақтимда Германиядан тажриба алмашиш учун бир профессор келган эди. Маъруза вақтида у ўз давлатида қабул қилинган янги қонун ҳақида гапирди.

Аудиториядан бир савол янгради:

— Бу қонуннинг ижросини назорат қилиш кимга юклатилган?

Профессор ҳайрон бўлди:

— Нимага қонун ижроси алоҳида назорат қилиниши керак? Қонун қабул қилинган бўлса, халқ уни билади, ундан фойдаланади, керак бўлса, ўз ҳуқуқини талаб қилади.

Албатта, Германияда ҳам қонунларнинг амалга оширилиши учун давлат органларининг вазифалари бор. Лекин ҳуқуқий давлатнинг муҳим жиҳатларидан бири — фуқаронинг ўз ҳуқуқини билиши ва уни талаб қила олишидир. Германиянинг расмий манбаларида ҳам фуқароларнинг қонун мазмунини тушуниши ва давлат қарорларини суд орқали баҳслашиш имконияти муҳим принцип сифатида қайд этилган.

Бизда ҳам қабул қилиниб, амалда тўлиқ ишламай қолган қонунлар кўп.

Лекин баъзи ҳолларда муаммо қонуннинг ўзида эмас, балки унинг берган ҳуқуқидан фойдаланмаётганимизда.

Қонунни билиб, ундан фойдаланиш ва ҳуқуқимизни талаб қилишни ўрганишимиз керак.

Ҳар ким қўлидан келганича қотиб қолган механизмларни ҳаракатга келтирса, бир кун келиб «бу қарор барибир ишламайди» деган гапнинг ўзи ишламай қолади.

Ҳуқуқий онг ошса, қонуннинг кучи ҳам ошади.

@a_huquq_uz

460 0 3 12

Huquq.uz

22 Aug, 19:52

Ички ишлар вазирининг тегишли буйруғи асосида, Ички ишлар вазирлиги Академияси магистратура босқичи битирувчиси подполковник Иноқов Бахтиёр Рахимжонович Сурхондарё вилояти Ички ишлар бошқармаси бошлиғи этиб тайинланди.

@a_huquq_uz

554 0 7 2

Huquq.uz

22 Aug, 17:28

Ўзбекистон Республикаси Президенти фармони билан Ачилова Зулфия Махмудовна — Қашқадарё вилоят судининг девонхона мудири «Шуҳрат» медали билан тақдирланди.

Мен учун бугунги энг яхши янгилик шу.

@a_huquq_uz

512 0 6 2 7

Huquq.uz

22 Aug, 17:17

Президент Администрациясининг Коммуникациялар департаменти бошлиғи – Президент матбуот котиби Асадов Шерзод Икромович “Дўстлик” ордени билан тақдирланди.

482 0 0 2 5

Huquq.uz

22 Aug, 17:16

Президент Администрацияси Раҳбарининг шартнома асосида жалб қилинадиган маслаҳатчиси, Президент Администрациясининг АҚШдаги вакили Алламжонов Комил Исмоилович “Дўстлик” ордени билан тақдирланди.