Sayxunobodga tashrif: Ilg‘or tajriba va yangi tashabbuslar

🔍Xovos tumani hokimligi va tuman Yoshlar ishlari bo'limi hamkorlikda tumandagi Yangiyer mahallasining bir guruh ishsiz va bitiruvchi yoshlari tajriba almashish, o‘rganganlarini o‘z yashash hududidagi bo‘sh, ammo foydalanilmay kelinayotgan tomorqalarida yo‘lga qo‘yish maqsadida Sayxunobod tumaniga tashrif buyurishdi.

✈️Tashrif davomida yoshlar Sayxunobod tumani aholisi tomonidan tomorqalardan foydalanish bo‘yicha ilg‘or tajribalarni o‘rgandi. Ular tomorqalarda ekinlar yetishtirish, issiqxonalar tashkil etish, zamonaviy sug‘orish usullari va qishloq xo‘jaligi mahsulotlarini samarali ishlab chiqarish bo‘yicha amaliy ko‘nikmalarga ega bo‘lishdi. Mahalliy tadbirkorlar bilan muloqot qilinib, yer maydonlaridan daromad olishning yangi yo‘nalishlari haqida fikr almashildi.

✈️Ushbu tashrif Xovos tumani yoshlari uchun nafaqat amaliy bilim olish, balki qishloq xo‘jaligi sohasida innovatsion yondashuvlarni o‘zlashtirish uchun ham katta imkoniyat yaratdi.

Xovoslik yoshlarga qo'shiling!