Toshkent xalqaro universiteti vakillari bilan hamkorlik masalalari muhokama qilindi

🤗 Bugun Raqamli texnologiyalar va sun'iy intellektni rivojlantirish ilmiy-tadqiqot institutiga Toshkent xalqaro universiteti hamda Janubiy Koreyaning Cheju Halla universiteti vakillari tashrif buyurdi.

⭕️Uchrashuv avvalida Institut direktori A.Kadirov mehmonlarga muassasada amalga oshirilayotgan ishlar va tadqiqotlar xususida ma'lumot berib, kelgusi rejalar va istiqbollar haqida to'xtalib o'tdi.

⭕️ Janubiy Koreyaning Cheju Halla universiteti professori Young Joon Lee tomonidan sun'iy intellekt sohasida o'quv kurslarini tashkil qilish borasida hamkorlik qilish taklifi ilgari surildi.

✅ Tadbir so'ngida Raqamli texnologiyalar va sun'iy intellektni rivojlantirish ilmiy-tadqiqot instituti hamda Toshkent xalqaro universiteti o'rtasida anglashuv va hamkorlik memorandumi imzolandi.

🖊 Ta'kidlash joizki, mazkur memorandum:

↪️ ikki tomonning ilmiy tadqiqot va axborot texnologiyalari, sunʼiy intellekt hamda xizmat koʻrsatish sohasida rivojlanishini taʼminlash maqsadida strategik hamkorlik o'rnatish;

↪️ ilmiy tadqiqot va ishlanmalarni tayyorlash;

↪️ talabalarning amaliy tajribaga ega boʻlishi uchun amaliyot, stajirovka, seminar va qoʻshma tashabbuslar orqali soha mutaxassislari bilan muloqot qilish imkoniyatini taqdim etish hamda ularni ish bilan taʼminlash kabi muhim vazifalarni bajarishda amaliy asos bo'lib xizmat qiladi.

✅ Telegram | 🌐 Instagram | ♾ Facebook | 📹 YouTube | 🌐 Website