“Dostonxonlik” qanday bo‘ladi?Ushbu tadbirimiz odatiy kitob muhokamasidan biroz farq qiladi.
Biz Erkin Vohidovning
“Ruhlar isyoni” dostonini boshidan oxirigacha o‘qib chiqmaymiz. Buning o‘rniga, oldindan tayyorlangan o‘quvchi asardan bir necha muhim va ta’sirli qismlarni ovozli tarzda o‘qib beradi.
Uchrashuv taxminan shunday kechadi:
qisqa kirish va suhbat → 20–30 daqiqalik mutolaa → muhokama → yana bir qism → yakuniy suhbat.
Ba’zi sahnalarda matn jonlanib, dialog tusiga kirsa, istaganlar ayrim obrazlarning qismlarini o‘qib berishi ham mumkin.
Muhokamada faqat syujet haqida emas, balki asarning g‘oyasi, ayrim satrlar, tarixiy kontekst, Erkin Vohidovning uslubi va eng muhimi,
“Ruhlar isyoni”ning o‘zi bizda qanday fikr uyg‘otgani haqida gaplashamiz.
Bu ko‘proq odatiy “kitobni o‘qidik, endi tahlil qilamiz” formatidan ko‘ra, eski
she’rxonlik yoki shohnomaxonlik an’analariga yaqinroq bo‘ladi: bir kishi o‘qiydi, boshqalar tinglaydi, so‘ngra matn ustida birga fikrlashamiz.
Hozircha bu
bir martalik tajriba. Agar bu format bizga ham, kelganlarga ham yoqsa, balki keyin yana davom ettirarmiz. Shuning uchun, adabiyotsevarlarga bu g'oya manzur kelsa, loyihamizni ulashishda, tarqatishda yordam bersalar, katta yordam qilgan bo'lishardi.
Keyingi postda bepul ro'yxatdan o'tish uchun link beriladi.
20-sentyabr, yakshanba
14:00
Farg‘ona AKM
