ЖУМА КУНГИ БОМДОД НАМОЗИНИНГ ФАЗЛИ ҲАҚИДА

Абу Абдуллоҳ деди: Аллоҳ таоло жума кунини кунлар ичидан танлаб олган ва бошқа кунлардан устун қилгандир. Ўша кунда халқ қилинганларнинг охиргисини битиргандар. У Одам алайҳиссаломдир. Ўша куни унинг жонини олди. Ўша кунни жазо куни қилди. Ўша кунда қиёмат қоим бўлади. Ўша кунда ажрим бўлади. Ўша кунда аҳбобларнинг Фирдавсда Аллоҳ таолога зиёратлари бўлади.
Бомдод намозига у зот соллаллоҳу алайҳи васаллам айтганларидек Аллоҳ таолонинг раҳмати ва У Зотнинг фаришталари алайҳиссаломлар ҳозир бўлади. Сўнгра қироат қилдилар:
«Фажр Қуръони»ни ҳам. Албатта, «фажр Қуръони» шоҳид бўлинадигандир». Исро сураси, 78-оят.
Шунинг учун ҳам Расулуллоҳ соллаллоҳу алайҳи васаллам: «Ким бомдодни жамоат билан ўқиса, у Аллоҳ таолонинг зиммасидадир», деганлар.
Қачон банда ўша кунида У Зотнинг раҳмати ҳозир бўлишига мувофиқ келиб қолса, Унинг сатрига ва зиммасига кирур.
Сатр мағфиратдир. Зимма душмандан ҳимояга ва қўрғонга олишдир. 🔄 Дўстларингизга ҳам улашинг!!! https://t.me/XojagonUz