ТУШУНЧА

Шу қадар қўрқоқмиз, ҳатто уйқуда
Алаҳсиб, недандир қўрққан бўламиз.
Шу қадар ботирмиз, уйғоқ ҳолида
Оламлар Роббига исён қиламиз.

Қайдадир йўқотдик тарозумизни,
Негадир ўлчовлар бузилиб кетди.
Қаттиқроқ чиқардик овозимизни,
Осмон билан ришта узилиб кетди.

Шу бизга туюлди сўнгсиз қулайлик,
Яшира олмадик қувончимизни.
Илоё ўлгунча ўнглаб олайлик
Ботирлик, қўрқоқлик тушунчамизни.

Хайрулла Ҳамидов

@xayrulla_xamidov1