➡️Ma'lumot uchun, mazkur Xalqaro fransuz o'qituvchilari federatsiyasi (La FIPF - Fédération Internationale des Professeurs de Français) 1969 yildan buyon 5 qit'ada 120 dan ortiq mamlakatlarning 200 ga yaqin fransuz tili o'qituvchilari uyushmalaridan iborat global tarmoqni boshqarib kelmoqda. Natijada, bu birlashmalarning rivojlanishiga va ular orqali fransuz tilini targ'ib qilishga samarali faoliyat olib borilmoqda. Fransuz o'qituvchilarining xalqaro hamjamiyatiga xizmat qiluvchi mazkur nufuzli federatsiya Butunjahon Frankofoniya tashkiloti (Organisation internationale de la Francophonie)ning ilmiy-pedagogik sohalar doirasida muhim strategik ijrochisi hisoblanadi.
✅ Xalqaro fransuz o‘qituvchilari federatsiyasiga a’zolik nafaqat e’tirof, balki Fransiya hamda barcha fransuzzabon hamkor mamlakatlarning yetakchi nashriyotlari, ilmiy jurnallari, o'quv markazlari, madaniy joylar, ta’lim sohasi vakillarini kutib olishga ixtisoslashgan turar joy, mehmonxonalar, fransuz tilida faoliyat olib boruvchi kitob do'konlari, muzeylar, teatrlar va shu kabi madaniy markazlarda ko’plab imtiyozlar taqdim etishi belgilangan.