ЎЗИНГИЗНИ ЭҲТИЁТ ҚИЛИНГ!

Замон оғир, дунё мураккаб,
Яшаябмиз, юракни алдаб,
Ташвишлар ҳам бўларда бир гап,
Ўзингизни эҳтиёт қилинг!

Майли ҳаёт азобга солсин,
Дард дегани домига олсин,
Дунёлари бошидан қолсин,
Ўзингизни эҳтиёт қилинг!

Одамларга боқасиз, қуюқ,
Дейсиз «Унинг зарра гарди йўқ»,
Қўйинг дўстим, кимнинг дарди йўқ,
Ўзингизни эҳтиёт қилинг!

Ҳар умрнинг бордир ёз, қиши,
Тугамайди ҳаёт ташвиши,
Жуда яқин ойнинг ўн беши,
Ўзингизни эҳтиёт қилинг!

https://t.me/joinchat/AAAAADwRkZQ9I85rZoZq1g