O‘zbekiston texnik jihatdan tartibga solish agentligi direktori Akmal Jumanazarov raisligida agentlik va uning tizim tashkilotlari tomonidan amalga oshirilayotgan ishlar, yo‘l qo‘yilgan kamchiliklar, ularni bartaraf etish borasida ko‘rilayotgan choralar hamda kelgusida bajarilishi lozim bo‘lgan dolzarb vazifalar yuzasidan yig‘ilish bo‘lib o‘tdi.

Unda dastlab "Ijro.gov.uz" elektron tizimida 2024-yil dekabr va 2025-yil yanvar oyida muddati belgilangan qonunchilik hujjatlari va topshiriqlarning ijro holati muhokama qilindi.

Bundan tashqari, Oʻzbekiston Respublikasi Prezidenti rahbarligida 2024-yil 10-oktyabr kuni Texnik jihatdan tartibga solish sohasida amalga oshirilgan ishlar va kelgusidagi rejalar toʻgʻrisida oʻtkazilgan taqdimot boʻyicha
45-sonli yigʻilish bayonda belgilangan topshiriqlarga alohida to‘xtalib o‘tildi.

Shuningdek, kun tartibi doirasida masʼullarning hisoboti tinglanib, mavjud muammolarning yechimi bo‘yicha tavsiyalar berildi. Yig‘ilish so‘ngida, yirik sanoat korxonalari bilan hamda xalqaro aloqalarni mustahkamlash va Agentlik "Harakatlar rejasi"ni samarali amalga oshirish bo‘yicha zarur chora-tadbirlar belgilab olindi.