O‘zbekiston texnik jihatdan tartibga solish agentligida Clarivate kompaniyasining O‘zbekistondagi mintaqaviy vakili Diana Abdumuminova (PhD) tomonidan vebinar o‘tkazildi. Unda Alfraganus universitetining "Xalqaro ilmiy jurnallar va reytinglar bilan ishlash bo‘limi" bosh mutaxassisi Muyassarzoda Fayzieva (PhD) ham mavzu bo‘yicha o‘zi taqdimoti bilan ishtirok etdi.

Bu kabi seminarlardan asosiy ko‘zlangan maqsad, xodimlarga ilmiy tadqiqot faoliyatini samarali tashkil qilish va xalqaro ma'lumotlar bazalaridan foydalanish ko‘nikmalarini oshirishdan iboratdir.

"PIVOT-RP va Web of Science Xalqaro ilmiy ma’lumotlar bazasidan foydalanish" mavzusida tashkil etilgan mazkur vebinar mobaynida Agentlik va uning tizim tashkilotlaridagi yosh ilmiy izlanuvchilar hamda doktorantlar ishtirok etdi. Mavzu yuzasidan kerakli ma’lumot va tushunchalar berilib, qatnashchilarini qiziqtirgan savollarga atroflicha javob qaytarildi.