2️⃣2️⃣2️⃣

12-fevral kuni Oʻzbekiston davlat jahon tillari universitetida, buyuk mutafakkirlar Alisher Navoiy va Zahiriddin Muhammad Bobur tavallud kunlariga bagʻishlangan maʼnaviy-maʼrifiy tadbir boʻlib oʻtdi.

Tadbirda universitet rahbariyati vakillari, professor-oʻqituvchilar va talabalar faol ishtirok etdi. Dasturni kirish soʻzi bilan ochib bergan universitet rektori I. Tuxtasinov ikki buyuk shaxs ijodining dolzarblik va ahamiyati haqida yigʻilganlarga batafsil maʼlumot berdi.

Tadbir mehmoni sifatida ishtirok etga talantli estrada yulduzi Malika Egamberdiyeva Navoiy va Bobur ijodidan yaralgan qoʻshiqlardan ijro etib, tadbirga bayramona kayfiyat ulashdi.
Iqtidorli talabalar tomonidan kuy-qoʻshiqlar, sahna koʻrinishlari va gʻazallar ijro etilib, ishtirokchilarga unutilmas taassurot qoldirdi.

Universitetning Ingliz tili uchinchi fakulteti tashabbusi bilan tashkil etilgan tadbirda talabalar ikki buyuk sanʼat arboblarining gʻazallarini chiroyli va ifodali ijro etganligi eʼtirof etildi. Universitet rektori Ilxomjon Tuxtasinov mazkur tadbirda gʻazallarni eng chiroyli ijro etgan talabalarni Malayziyada taʼlim olish uchun yuborishini taʼkidladi. Bu esa talabalar uchun kutilmagan yangilik boʻldi va hammani xursand qildi.

Ushbu tadbir yigʻilganlar tomonidan milliy madaniyat va anʼanalarimizni targʻib qilishda, yosh avlodga ilhom manbai boʻlishda muhim qadam sifatida eʼtirof etildi.

🌐 Biz ijtimoiy tarmoqlarda:
Telegram | Instagram | Facebook | Sayt