O'zDJTU | UzSWLU | УзГУМЯ

0️⃣0️⃣0️⃣

Oliy ta’lim, fan va innovatsiyalar vazirligining 2025-yil 21-yanvardagi 20-sonli “Oliy ta’lim tashkilotlarining devonxona mudirlari, ijro intizomi hamda murojaatlar bilan ishlash bo‘limi boshliqlari uchun qisqa muddatli o‘quv kursini tashkil etish to‘g‘risida”gi buyrug‘iga muvofiq, Oliy ta’lim tizimi pedagog va rahbar kadrlarini qayta tayyorlash va ularning malakasini oshirishni tashkil etish Bosh ilmiy-metodik markazida qisqa muddatli o‘quv kursi tashkil qilindi.

Mazkur o‘quv kursida Oliy ta’lim tashkilotlarida hujjatlar bilan ishlash va ijro intizomini oshirish bo‘yicha mas’ul xodimlardan Jismoniy va yuridik shaxslarning murojaatlari bilan ishlash, nazorat va monitoring bo‘limi boshlig‘i, filologiya fanlari doktori, dotsent S. Raxmonov hamda Devonxona va arxiv bo‘limi mudiri F. Turayeva ishtirok etib, ijro intizomi va hujjatlar bilan ishlash bo‘yicha o‘quv kursini muvaffaqiyatli yakunlab, sertifikat bilan taqdirlandilar.

Shuningdek, O‘zbekiston davlat jahon tillari universiteti mazkur buyruqqa muvofiq, ijro intizomi va hujjatlar bilan ishlashda tajribasi katta bo‘lgan Oliy ta’lim tashkiloti sifatida, respublikadagi Oliy ta’lim muassasalaridan kelgan tinglovchilarga ish yuritish samaradorligini oshirish borasida amalga oshirilayotgan ishlar holati bilan yaqindan tanishtirish hamda tajriba almashish bo‘yicha amaliy mashg‘ulotlarni o‘tash uchun mas’ul Oliy ta’lim muassasasi sifatida biriktirildi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦🟦🟦

31-yanvar kuni O‘zbekiston davlat jahon tillari universitetida navbatdagi ilmiy seminar tashkil etildi.

Unda Nazarov Vahobjon Shamshidinovichning 13.00.02 – Ta’lim va tarbiya nazariyasi va metodikasi (fransuz tili) ixtisosligi bo‘yicha tayyorlagan “Multimedia ta’lim vositalari asosida o‘quvchilarning fransuz tili bo‘yicha nutqiy kompetensiyalarini rivojlantirish (umumiy o‘rta ta’lim tizimi misolida)” mavzusidagi pedagogika fanlari bo‘yicha falsafa doktori (PhD) ilmiy darajasini olish uchun taqdim etilgan dissertatsiyasining ilmiy seminar muhokamasi bo‘lib o‘tdi.

Mazkur seminarda universitet rektori Ilxomjon Tuxtasinov hamda rasmiy opponentlar ishtirok etdi. Muhokama davomida dissertatsiya ishi atroflicha tahlil qilinib, ilmiy va amaliy ahamiyati haqida so‘z bordi.

ZOOM onlayn dasturi orqali bo‘lib o‘tgan seminar davomida tadqiqotchi o‘z mavzusi doirasida bajarilgan tadqiqotlar natijasi, uning yangiligi borasida so‘z yuritib, ilmiy seminar a’zolarini qiziqtirgan savollarga asosli javob berib o‘tdi.

🌐 Biz ijtimoiy tarmoqlarda:
Telegram | Instagram | Facebook | Sayt

0️⃣0️⃣0️⃣

O‘zbekiston Respublikasi Vazirlar Mahkamasining 2024-yil 11-iyuldagi 415-sonli qarori ijrosini ta’minlash maqsadida, O‘zbekiston davlat jahon tillari universiteti huzurida Pedagog kadrlarni qayta tayyorlash va malakasini oshirish tarmoq markazi tashkil etilgan edi.

O‘zbekiston Respublikasi Oliy ta’lim, fan va innovatsiyalar vazirligining 2024-yil 23-dekabrdagi 474-sonli buyrug‘iga muvofiq, ushbu markazda 2025-yil davomida “Filologiya va tillarni o‘qitish” (ingliz, fransuz, nemis, rus, italyan, ispan tillari) hamda “Tarjima nazariyasi va amaliyoti” yo‘nalishlari bo‘yicha jami 897 nafar tinglovchi malaka oshirishi belgilangan.

2025-yil 6-yanvardan 30-yanvargacha mazkur markazda “Filologiya va tillarni o‘qitish” (ingliz tili yo‘nalishi) bo‘yicha 26 nafar tinglovchi to‘g‘ridan-to‘g‘ri shaklda kursga qabul qilindi va malakasini oshirdi. Chiqish testlari natijasiga ko‘ra, 7 nafar tinglovchi testdan o‘ta olmadi, 1 nafar tinglovchi esa chiqish testida ishtirok etmadi.

30-yanvar kuni O‘zbekiston davlat jahon tillari universiteti huzuridagi Pedagog kadrlarni qayta tayyorlash va malakasini oshirish tarmoq markazida bo‘lib o‘tgan himoyada viloyatlardagi oliy ta’lim muassasalaridan 6 nafar, Toshkent shahridagi oliy ta’lim muassasalaridan 12 nafar, jami 18 nafar tinglovchi malakaviy bitiruv ishini himoya qildi.

Himoya jarayonlarida universitet rektori Ilxomjon Tuxtasinov, tarmoq markazi direktori Jamila Abduganiyeva va boshqa mas’ullar ishtirok etib, himoyani baholadilar.

Ma’lumot uchun: Chiqish testidan muvaffaqiyatli o‘tgan tinglovchilar O‘zbekiston Respublikasi Oliy ta’lim, fan va innovatsiyalar vazirligining 2024-yil 2-avgustdagi 278-sonli buyrug‘iga asosan tashkil etilgan Attestatsiya komissiyasi tomonidan bitiruv loyihasini himoya qiladi. Komissiya xulosasiga ko‘ra, tinglovchilarga malaka sertifikati beriladi.

🌐 Biz ijtimoiy tarmoqlarda:
Telegram | Instagram | Facebook | Sayt