PFL rahbari Diyor Imomxo‘jayev "YOSHLIK QILDI"mi!?Koronavirus qo‘shini o‘zbek futbolini ham zabt etayotganidan xabaringiz bor. "Bunyodkor" hamda "Paxtakor" o‘g‘lonlarining bir nechasi bu virus bilan yakkama-yakka jangga kirishdi. Ilohim g‘oliblik futbolchilarimiz tomonda bo‘lsin.
Yurtimizda karantin "rejimi" yanada kuchaytirilmoqda. Sabab ana o‘sha "ko‘rinmas yov"ning jadallashuvi.
Futbolga qaytamiz. Xalqaro futbol jamoalari o‘yinlarni katta tavakkal bilan boshlashga majbur edilar. Sarf-harajat ularning byudjetiga minus bo‘layotgandi. Albatta, davlat g‘aznasiga ham. Virusning kuchi biroz kamaygani namoyon bo‘ldi, u tomonlarda.
Bizda Futbol o‘yinlarini vaqtincha to‘xtatib turish ma‘qul variant edi menimcha. Hozir ham kech emas. Balki biroz muddatga qoldirish bo‘yicha o‘ylar bir to‘xtamga kelayotgandir.
Ba‘zilarni fikricha PFLning yangi va yosh raxbari "Yoshlik qildi" deyishi mumkin. Lekin, bir narsa! Mana shuncha jamoadagi insonlarning ro‘zg‘ori, o‘yin amaliyoti va boshqa omillar o‘ylangan bo‘lishi mumkin.
Yurtdoshlarimizga qat‘iy karantin deyilsa ham ishlashga oshiqayotganlari bor-ku, shunga o‘xshash.
Meni fikrim bunday yangi qaror qabul qila oladigan, tavakkaldan qo‘rqmaydigan kadr kerak edi futbolimizga.
Ish bor joyda xatolik bo‘ladi. Lekin bu PFLning xatosi emas. Har kim o‘zini o‘zi asrashga harakat qilmog‘i muhim masala. Shu jumladan jamoalar ham. Aybdorni qidirish fikridan ham yiroqmiz asli.
Biz-ku turli qarashlar bilan gap-so'zlarni ko'paytiraveramiz. Ammo, soha mutasaddilari borligini unutmaylik. Ular ayni vaqt katta sinovda. O'ylaymizki muhim va to'g'ri qarorlar qabul qilishda adshishmaydi. Biz ham duodamiz, ular uchun.
Hozircha shu...
Usmonjon Qodirov - bloger
@Usmonjon_Qodirov
