🟦🟦🟦

✅Fakultetlardan xabarlar

Bugun, 1-mart kuni Abu Rayhon Beruniy nomidagi Urganch davlat universitetining barcha fakultetlarida Zulfiyaxonim tavalludining 110 yilligiga bag‘ishlab davra suhbatlari, ijodiy uchrashuvlar o‘tkazildi.

✅Xususan, Tabiiy va qishloq xo‘jaligi fanlari fakultetida 242-biologiya guruhi talabalari ishtirokida tyutorlar tomonidan "Zulfiya — bahor kuychisi" mavzusida davra suhbati tashkil etildi. Unda Zulfiyaxonimning yuksak insoniy fazilatlari bugun ham yoshlar uchun ibrat bo‘lib xizmat qilishi, uning sermahsul ijodi, go‘zal she’riyatini barcha adabiyot ixlosmandlari sevib o‘qishlari va shoiraning adabiy merosi nihoyatda boy ekanligi xususida so‘z yuritilib, shoira qalamiga mansub she’rlar namoyish etildi.

🌈Shuningdek, Filologiya va san’at fakultetida “Milliy naqshlar dizayni” tanlovi bo‘lib o‘tdi. Tanlovda 231-241-guruhlarning Amaliy san’at va badiiy kulolchilik yo‘nalishi talabalari faol ishtirok etdilar. Ushbu tanlov milliy naqshlarni zamonaviy dizaynga tatbiq etish, talabalar ijodkorligini qo‘llab-quvvatlash hamda an’anaviy san’atni rivojlantirish maqsadida tashkil etildi. Ishtirokchilar o‘z ijodiy ishlari orqali milliy naqshlarning boy tarixini ifodalashga harakat qildilar.

©️UrDU Matbuot xizmati
🌐 Sayt| Telegram| Facebook|Instagram| Ln | YouTube