Ovchi bir kun qush tutib oldi:
– Meni qo‘yib yubor, evaziga senga uchta qimmatli maslahat beraman, – dedi qush unga. Qush birinchi maslahatni ovchining qo‘lida, ikkinchisini tol shoxiga qo‘nganida, uchinchisini esa tepalik ustida aytishga va’da berdi. Ovchi rozi bo‘ldi va birinchi maslahati nimaligini so‘radi.
– Agar biror narsani qattiq ardoqlasang-u, yo‘qotib qo‘ysang, uning uchun afsuslanma!
Ovchi qo‘yib yuborgan qush uchib borib tolning shoxiga qo‘ndi va ikkinchi maslahatini aytdi:
– Aqlga to‘g‘ri kelmaydigan, isboti bo‘lmagan gaplarga hech qachon ishonma!
Keyin qush tepalik tomon uchdi va o‘sha yerdan turib qichqirdi:
– Eh omadsiz odam! Men ikkita katta-katta olmosni yutib yuborgandim. Agar meni o‘ldirganingda, ularga ega chiqarding. Ovchi alamidan boshini changallab ancha turdi. Hech bo‘lmasa, menga uchinchi maslahatingni aytib ket, – dedi bir oz o‘ziga kelib.
– Qanaqa nodon odamsan, – chirqiradi qush, – birinchi va ikkinchi maslahatimni hatto o‘ylab ham ko‘rmay, uchinchisini so‘rayapsan. Men senga qo‘lingdan ketganiga achinmaslik va aqlga to‘g‘ri kelmaydigan gapga ishonmaslik kerakligini aytdim. Sen esa yolg‘on gapga ishonib, ayrilib qolgan narsangga achinding. O‘zing o‘yla, kichkina qush qanday qilib ikkita katta olmosni yutib yuborishi mumkin?!
✍️ @Tilsimli_Hayot
– Meni qo‘yib yubor, evaziga senga uchta qimmatli maslahat beraman, – dedi qush unga. Qush birinchi maslahatni ovchining qo‘lida, ikkinchisini tol shoxiga qo‘nganida, uchinchisini esa tepalik ustida aytishga va’da berdi. Ovchi rozi bo‘ldi va birinchi maslahati nimaligini so‘radi.
– Agar biror narsani qattiq ardoqlasang-u, yo‘qotib qo‘ysang, uning uchun afsuslanma!
Ovchi qo‘yib yuborgan qush uchib borib tolning shoxiga qo‘ndi va ikkinchi maslahatini aytdi:
– Aqlga to‘g‘ri kelmaydigan, isboti bo‘lmagan gaplarga hech qachon ishonma!
Keyin qush tepalik tomon uchdi va o‘sha yerdan turib qichqirdi:
– Eh omadsiz odam! Men ikkita katta-katta olmosni yutib yuborgandim. Agar meni o‘ldirganingda, ularga ega chiqarding. Ovchi alamidan boshini changallab ancha turdi. Hech bo‘lmasa, menga uchinchi maslahatingni aytib ket, – dedi bir oz o‘ziga kelib.
– Qanaqa nodon odamsan, – chirqiradi qush, – birinchi va ikkinchi maslahatimni hatto o‘ylab ham ko‘rmay, uchinchisini so‘rayapsan. Men senga qo‘lingdan ketganiga achinmaslik va aqlga to‘g‘ri kelmaydigan gapga ishonmaslik kerakligini aytdim. Sen esa yolg‘on gapga ishonib, ayrilib qolgan narsangga achinding. O‘zing o‘yla, kichkina qush qanday qilib ikkita katta olmosni yutib yuborishi mumkin?!
💌 Doʻstlarga ulashing!
✍️ @Tilsimli_Hayot