Ғазони тиклаш бўйича Миср режаси. Асосий нуқталар

Ғазо бошқаруви:

1. Ғазони бошқариш учун олти ойлик муддатга технократик қўмита тузилади. Бу қўмита Фаластин ҳукумати назорати остида ишлайди ва ҳеч қандай сиёсий гуруҳ вакилларини ўз ичига олмайди.

2. Қўмита Фаластин Маъмуриятининг (ПА) Ғазога қайтиши учун шароит яратади.

3. Миср ва Иордания фаластинлик полициячиларни тайёрлаб, уларни Ғазога жойлаштиради.

4. Бирлашган Миллатлар Ташкилоти (БМТ) Хавфсизлик Кенгаши Фаластин ҳудудларига халқаро тинчликпарвар кучларини жойлаштириш бўйича резолюция қабул қилади. Бу кенгроқ Фаластин давлати доирасидаги режанинг бир қисми сифатида амалга оширилади.

5. Қуролланган фаластинлик гуруҳлар масаласи ишончли сиёсий жараён орқали ҳал қилинади.

6. Исроил ва Фаластин Маъмурияти ўртасида барча фаластинлик ҳудудларини қамраб оладиган ўрта муддатли сулҳ келишуви имзоланади.

Тиклаш режаси ($50+ миллиард):

1-босқич

Олти ой давом этади, вайроналарни тозалаш ва вақтинчалик уй-жойлар қуриш устувор бўлади. 1,5 миллион кўчирилган одам Ғазодаги етти махсус ҳудудга жойлаштирилади. Тахминий харажат: $20 миллиард.

2-босқич

2,5 йил давом этади, 200 000 та уй-жой ва янги денгиз порти қурилади. Тахминий харажат: $30 миллиард.

👉 @Tezkorxabar_official ⚡️