Xabaringiz bor, yosh avlodni sportga jalb etish hamda ularda mantiqiy fikrlash qobiliyatlarini yanada rivojlantirish maqsadida maktab o‘quvchilari o‘rtasida an’anaviy tarzda sportning shaxmat turi bo‘yicha “O‘zbekiston chempionati” o‘tkazilib kelinmoqda.

Mazkur chempionatning bu yilgi baxslari Andijon viloyatida bo‘lib o‘tdi.
Musobaqaning yakuniy natijalariga ko‘ra viloyatimizdan bir qancha o‘g‘il qizlarimiz yuqori natija bilan qaytib keldilar.

Xususan, Urganch shahar 30-son MTM tarbiyalanuvchisi Abdulaziz Xasanov 2 ta oltin va 1 ta kumush medal, Urganch shahar 28-son umumta’lim maktabi o‘quvchisi Dilnoza Nurullayeva 1 ta kumush medal, Urganch shahar Futbol akademiyasi o‘quvchisi Akbar Yaqubboyev 1 ta oltin 1 ta kumush medalni qo‘lga kiritdilar.

G‘oliblar Xorazm viloyati Maktabgacha va maktab ta’limi boshqarmasi hamda Urganch shahar Maktabgacha va maktab ta’limi bo‘limi mas’ullari, maktab direktori, o‘qituvchilar, o‘quvchilar va ularning ota-onasi ishtirokida munosib kutib olindi.

Tadbir davomida ular g'olibrimizni erishgan yutug‘i bilan yana bir bor samimiy tabriklab, o‘qishlariga muvaffaqiyat tiladilar.

Ularning ota-onalari va ustozlariga minnatdorchilik bildirildi.

Boshqarmaning rasmiy sahifalariga ulanish
Telegram I Youtube I Facebook I Instagram I Web-sayt‌‌