Joriy yilning 23-yanvar kuni universitetimizda talabalar o'rtasida intellektual loyihalarni keng targ'ib qilish va ommalashtirish maqsadida tashkil etilgan "ToshDO'TAU Zakovat ligasi"ning 5-turi bo'lib o'tdi. Unda universitet YI BT yetakchisi M. Sodiqov va Intellektual loyihalar koordinatori B. Ergashev boshchiligida jami 25 ta savol o'qildi. O'yinda ishtirok etgan jamoalar mantiqni va xotirani rivojlantirishga qaratilgan bir-biridan qiziq savollar ustida bahslashishdi va o'zlari uchun foydali ma'lumotlarga ega bo'lishdi. Qizg'in va murosasiz kechgan o'yinning yakunida "Troya" jamoasi eng ko'p ball to'plab g'olib bo'ldi. Universitetimizning barcha talabalarini liganing keyingi turlariga taklif qilamiz.