𝗧𝗘𝗦𝗧 𝗟𝗜𝗗𝗘𝗥 | JALOL BOLTAYEV

Chalg‘imaslik haqida

So‘nggi 3 ta imtihonda eng yuqori natijalarni qayd etgan o‘quvchilarim – Durdona (12-oktyabr, 83+), Oyjamol (1-dekabr, 85+) va Sevinch (1-fevral, 87+)... Bu natijalar, albatta, mas’uliyatlilik, mehnatkashlik, maktabdagi ustozlari, ota-onasining qo‘llab-quvvatlovi va boshqa ko‘plab omillarga bog‘liq ekanligini oldinam aytganman. Hozir endi bu haqdamas, yana bir muhim omil haqida gaplashamiz.

CHALG‘IMASLIK... Durdona, Oyjamol, Sevinch hech qachon chalg‘ishmagan.

Bu nima degani? Taassuflar bo‘lsinki, hozirda axborot xuruji, turli manipulyativ chiqishlar, natijalarning sun’iy shishirilishi juda-juda ko‘p uchraydi (tabibimning o‘zi bemor, deganlaridek). O‘shanday axborotlarga aksariyat chalg‘ib qolyapti. Bu kundan kunga, imtihondan imtihonga kuchayib bormoqda. Aksariyati natijalarni sun’iy shishirish uchun qilinadigan jarayonlar bular...

Bir jihatdan ularni ham tushunaman: shunday gaplar orqali sonni ko‘paytirmasa, natija chiqishi qiyin bo‘ladi.

***

Durdona va Oyjamollar har bir darsimga kirardi, har bir test tahlilida qatnashardi. Qaysidir kanalda “Ertaga xuddi shu savollar tushadi, 55 tadan 55 tasi ham mana shu savollar bo‘ladi” deb yozilmaydimi – farqi yo‘q – ertalabam, kechqurunam shu mening darsimda bo‘lar edi.

Oyjamol o‘zi deyarli biron marta dars qoldirmagan, Durdona esa 1–2 qoldirgan, xolos. Undayam ogohlantirib qo‘yardi. Sevinch esa oflayn (aniqrog‘i, gibrid) tayyorgarlik ko‘rgan, Telegramdagi manipulyativ xabarlarga umuman e’tibor qaratmas va menga to‘lig‘icha ishonardi.

To‘g‘ri, menda “ishontirish qobiliyati” kamroqdir. Lekin nima qilayotganimni, nima deyotganimni bilaman. Ilmiy taraflama ham isbotlab bera olaman.

Keyin “intensiv dehqonchilik” va “ekstensiv dehqonchilik” haqida bilasiz-a? “Ekstensiv dehqonchilik”da yerlarni ko‘paytirish evaziga mahsulot ko‘paytiriladi. “Intensiv dehqonchilikda” esa o‘sha mavjud yerdan unumli foydalanish evaziga mahsulot ko‘paytiriladi. Ha, do‘stlar, tushunganingizdek, men “intensiv” yo‘lni tanlaganman...

Onlayn ta’limni tartibga soladigan, o‘quvchilar bilan doimiy muloqotda bo‘lish va ularning natijalarni tahlil qilish, xullas kim nima qilayotganini bilish imkonini beradigan bu platformamni yaratishdan ko‘zlangan maqsadlardan biri ham shu aslida. O‘quvchilarimning chalg‘imasligi uchun ular bilan muloqotda bo‘lib turishim kerak. Turli piarlarga uchib, keyinchalik “afsuslanmasligi” uchun ham shart va zarurdir (endi faqat bu maqsad ko‘zlangan desam, xato bo‘ladi. O‘quvchilarimning natijalarni tahlil qilishim ularning bilimi tom ma’noda rivojlanishiga ta’sir ko‘rsatadi).

(c) Jalol BOLTAYEV – testolog, tarixchi

👉 @TESTLIDER