❗️❗️❗️❗️❗️❗️

🔹Mening yoshim 75 da. 15 yil oldin qarilik pensiyasi olaman. 2018-yilning boshlarida tuman pensiya jamg‘armasi inspektori kelib, xatolik tufayli menga shu paytgacha ortiqcha pensiya to‘lab kelinganligini, shu bois ortiqcha to‘langan pensiyani qaytarishim kerakligini yoki pensiyaning ortiqcha to‘langan qismi keyingi pensiyamdan ushlab qolinishini aytdi. Men bunga rozi bo‘lmaganimdan keyin pensiya jamg‘armasi xodimlari navbatdagi pensiyaning 50 foizini ushlab qoldilar. Ammo shu to‘g‘rimi, ular ortiqcha to‘langan pensiyani mendan qaytarib olishga haqlimi ❓

✅ JAVOB:
🔹 Hisoblashdagi yoki boshqa texnik xato oqibatida pensiya miqdoridan ortiqcha pullar to‘langan taqdirda O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasi tuman (shahar) bo‘limining qaroriga binoan pensiyadan chegirmalar qilinishi mumkin. Bunda chegirmalar pensiyaning 10 foizi miqdorida amalga oshiriladi.
🔹Tekshirish (o‘rganish) o‘tkazish boshlangan sanadan avvalgi uch yil va undan ortiq davrda tayinlangan va (yoki) qo‘shimcha taqdim etilgan hujjatlarga binoan qayta hisoblangan pensiyalarning tekshirilishiga (o‘rganilishiga) hamda ular bo‘yicha to‘langan ortiqcha summalarning ushlab qolinishiga (undirilishiga) yo‘l qo‘yilmaydi.
🔹 Pensioner O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasi tuman (shahar) bo‘limining pensiyadan ortiqcha to‘langan summalarni ushlab qolish to‘g‘risidagi qaroridan norozi bo‘lgan taqdirda, aniqlangan qarzdorlik sud tartibida undiriladi.

⬇️Xulosa:
🔹Sizning vaziyatingizda Pensiya jamg‘armasi tuman bo‘limi oxirgi 3 yil mobaynida ortiqcha to‘langan pensiyani ushlab qolishga haqli, qolgan 12 yil davomida ortiqcha to‘langan pensiyani ushlab qolishga haqli emas. Bunda u qarzdorligingiz uzilguniga qadar har oy pensiyangizning 50 foizini emas, balki 10 foizini ushlab qolishi kerak.
🔹 Siz buzilgan huquqlaringizni tiklash uchun Pensiya jamg‘armasi tuman bo‘limining noqonuniy xatti-harakati ustidan o‘z hududingizdagi tumanlararo ma’muriy sudga murojaat qilishingiz mumkin.

📚ASOS:
1️⃣O‘zbekiston Respublikasining “Fuqarolarning davlat pensiya ta’minoti to‘g‘risida”gi Qonuni 65-moddasi;
2️⃣O‘zbekiston Respublikasi Vazirlar Mahkamasining 13.10.2022 yildagi 592-sonli qarori bilan tasdiqlangan “Davlat pensiyalarini tayinlash va to‘lash tartibi to‘g‘risida”gi Nizomning 1963-bandi 6-xatboshisi;
3️⃣ O‘zbekiston Respublikasining "Ma’muriy sud ishlarini yuritish to‘g‘risida"gi kodeksi 27-moddasi 1-qismi 2-bandi.

👨‍💻TDYU Yuridik klinikasi ko‘ngilli talabasi: Dusmuratov Mirzarustam

📥 Murojaat uchun:
@TDYU_Yuridik_klinika_bot

🫥🫥🫥🫥🫥🫥🫥🫥🫥🫥🫥
🖥 Bizni ijtimoiy tarmoqlarda kuzating:
💬Telegram 🌐 Instagram 🌐YouTube 🌐 TikTok 🌐 Facebook