«InTax» xalqaro soliqqa tortish bo‘yicha navbatdagi tanlov doirasida 121 ta jamoa ro‘yxatdan o‘tib, ilk bosqichda jamoalar ikki guruhga bo’linib, – birlari soliq to‘lovch sifatida va yana birlari soliq organi sifatida «Memorandum» tayyorladilar. Tanlovning ilk bosqichida 32 ta jamoa keyingi bosqichning – Onlayn sud jarayonini o‘yin formatida ishtirok etish uchun saralab olindi. Toshkent davlat iqtisodiyot universiteti «Soliqlar va soliqqa tortish» ta’lim yo‘nalishi talabalarining «OCTA» jamoasi ham ushbu 1/16 o‘yinlarida ishtirok etdi.
Toshkent davlat iqtisodiyot universiteti hamda Jahon iqtisodiyoti va diplomatiya universiteti jamoalarining sud jarayonining o‘yin formatida qizg‘in kechgan bahsida o‘z bilim va omadlarini sinab ko‘rishdi. Har bir og‘zaki raund 90 daqiqa davom etib, ishtirokchilar berilgan vaqt mobaynida jamoalar o‘zlarining soliq sohasidagi bor bilim va ko‘nikmalarini namoyish etdilar. Natijada, Orifboyev Ozod sardorligidagi Toshkent davlat iqtisodiyot universitetining «OCTA» jamoasi joriy yilning 21-25 aprel kunlari Rossiya Federatsiyasining Moskva shahrida bo‘lib o‘tadigan final bosqichiga 1/16 o‘yinlarning g‘oliblari sifatida tavsiya etildi.
Toshkent davlat iqtisodiyot universitetining «OCTA» jamoasiga Moskva shahrida bo‘lib o‘tadigan final o’yinlarida omad tilab qolamiz.