🟦🟦🟦
Yana bir yil tarixga aylanmoqda. 2024-yil davomida amalga oshirilgan ishlar, erishilgan yutuqlar va olingan saboqlar barchamiz uchun muhim tajriba maktabi bo‘ldi. 2025-yilga umid va ishonch bilan qadam qo‘yayotgan bir vaqtda, yangi yil barchamiz uchun yangi imkoniyatlar, muvaffaqiyatlar va xotirjamlik olib kelishini tilaymiz.

🌀 Ayni lahzalarda nihoyasiga yetib borayotgan 2024-yil sarhisobini qilmoqdamiz. Joriy yilda universitetda tahsil olayotgan 250 nafardan ortiq iqtidorli talabalar Xalqaro olimpiadalarda ishtirok etib 58 nafari sovrinli o‘rinlarga ega bo‘lishgan. Ulardan 15 nafari 1-o‘rinni egallagan bo‘lsa, 21 nafari 2-o‘rin, 22 nafari 3-o‘rinni egallashgan. Respublika fan olimpiadalarida universitet talablaridan 12 nafari faol ishtirok etib yuqori o‘rinlarni egallashgan. Ulardan 3 nafari 1-o‘rinni qo‘lga kiritgan bo‘lsa, 5 nafari 2-o‘rin, 4 nafari 3-o‘rinni egallashgan. 2024-yilda turli tanlovlar va xalqaro ko‘rgazmalarda 350 nafardan ortiq iqtidorli talabalar ishtirok etib, 30 nafari sovrinli o‘rinni qo‘lga kiritishdi. 2024/2025-o‘quv yili uchun Toshkent davlat iqtisodiyot universitetining jami 18 nafar iqtidorli talabalari 1 nafar O‘zbekiston Respublikasi Prezidentining davlat stipendiyasi, 1 nafar Islom Karimov davlat stipendiyasi hamda 16 nafar Navoiy davlat stipendiyasi sohibi bo‘lishdilar. 2024-yil tahlillariga ko‘ra Iqtidorli talabalarning ilmiy tadqiqot ishlarini qo‘llab-quvvatlash natijasida ular tomonidan 225 ta xalqaro ilmiy jurnallarda va 330 ta respublika ilmiy jurnallarida ilmiy maqolalar, 250 ta tezis xalqaro ilmiy amaliy anjumanda va 1800 ta tezis respublika va OTM miqyosidagi ilmiy amaliy anjumanlarda chop etildi.

⚡️ Kelajakda yanada ulkan rejalarimizni birgalikda amalga oshiramiz degan umiddamiz. 2025-yil har birimiz uchun yangi marralarni zabt etish yili bo‘lsin!

🎉 Hurmat va ehtirom bilan, TDIU Iqtidorli talabalar bo'limi jamoasi!

🌐Bizni kuzatishda davom eting.
Instagram | Telegram