Bugun Toshkent davlat iqtisodiyot universiteti To‘rtko‘l fakultetida 1-kurs sirtqi yo‘nalish talabalari va fakultet dekani o‘rtasida muhim davra suhbati tashkil etildi. Tadbirda universitet ichki tartib-qoidalari, talabalarning odob-axloq kodeksi va o‘zini tutish masalalari muhokama qilindi.

Uchrashuv davomida talabalarga universitetdagi ichki tartib-qoidalariga rioya qilish, vaqtni samarali boshqarish va o‘z ustida ishlash zarurligi ta’kidlandi. Shuningdek, talabalar o‘zaro hurmat, samimiy muloqot va madaniyatni saqlashni o‘rganishlari kerakligi haqida so‘z borib, universitetda talabalar madaniyatining muhimligi qayd etildi.

Mazkur uchrashuv talabalar uchun o‘zini universitetda qanday tutish va bilim olish jarayonini qanday tashkil etish bo‘yicha yangi ko‘nikmalarni rivojlantirishga yordam berdi.

Kelajakka intilish, o‘zini boshqarish va ilm olishda yuksalish – bu har bir talabaga berilgan muhim vazifadir.