Сурхондарё Рейд 🚨

Ёки Узун тумани, “Оқостона” маҳалласида яшовчи фуқаро Г.Й. туман ИИБга қилган мурожаатида “Телеграм” мессенджери орқали “Alisher Usmonov aksiyasi” номли гуруҳга аъзо бўлиб қолганлигини, шундан сўнг ушбу гуруҳ админи “Saytiyeva Gulbahor Rustam qizi” номли профил эгаси билан ўзаро ёзишганлиги ва у акциядан 20.693.000 сўм ютиб олганлиги ва ушбу ютуқнинг 2 фоизи миқдорида, яъни 417.000 сўм пулни 9860 5615 рақамли пластик картасига тўлов қилса, ютуқни қўлга киритиши мумкинлиги маълум қилинганлигини, шундан сўнг у ушбу пластик картага бўлиб-бўлиб 3 маротаба жами 1.372.000 сўм пулни ўтказиб бериб, алданганлигини баён қилган.
Шунингдек, Узун тумани, “Наврўз” маҳалласида яшовчи фуқаро Х.И. мурожаатида 2025 йилнинг 4 январь куни ўзига тегишли бўлган абонент рақамига уланган “Телеграм” мессенджери орқали “Qonuniy halol treding” номли каналга обуначи бўлиб қолганлигини, ушбу канал админи томонидан унга “қисқа муддат ичида пулларингизни кўпайтириб берамиз” деган мазмунда хабар келиб тушганлигини, у ушбу хабарга ишониб “Абдуллоҳ Азизхонов Узб” номли профил эгаси томонидан тақдим этилган банк пластик картасига бўлиб-бўлиб, 9 маротаба жами 19.360.000 сўм пул ўтказиб бериб, алданганлигини баён қилган.
Бундан ташқари, Сариосиё тумани “Шохжаҳон” маҳалласида яшовчи фуқаро М.Н. ўз мурожаатида 2025 йилнинг 11 январь куни “OLX” сайтида “Валиев Адҳам” исмли шахс “Iphone-13 Pro” русумли телефон аппаратини 4,5 миллион сўмга сотиш учун қўйганлигини, ушбу телефон аппарати учун Валиев Адҳам исмли шахсга 4,5 миллион сўм пулни пластик карта орқали тўлаб берганлигини, аммо Валиев Адҳам уни алдаб кетганлигини баён қилган.

Юқорида қайд этилган фирибгарлик ҳолатлари юзасидан ҳудудий тегишлилиги бўйича Сариосиё ва Узун тумани ИИБ Тергов бўлинмалари томонидан терговга қадар текширув ҳаракатлари ўтказилиб, натижасига кўра Ўзбекистон Республикаси Жиноят кодексининг 168-моддаси билан жиноят иши қўзғатилиб, ҳозирда тергов ҳаракатлари олиб борилмоқда.

Ишончли маълумотлар⤵️
👉 @SurxonReyd да👮‍♂
🚔 https://t.me/+0JlS599YPAplYjAy

Қонун ҳимоячилари
КИБЕРЖИНОЯТЛАРГА ҚАРШИ

Сурхондарё вилояти прокуратураси органлари томонидан Ўзбекистон Республикасининг “Киберхавфсизлик тўғрисида”ги қонуни ва соҳага оид бошқа норматив ҳуқуқий ҳужжатлар ижроси алоҳида назоратга олинган. Хусусан, вилоят прокурорининг биринчи ўринбосари Р.Намазов раислигида вилоят прокуратураси мажлислар залида “Ўзбекистон Республикасининг айрим қонун ҳужжатларига рақамли далиллар билан ишлаш тизимини такомиллаштиришга қаратилган ўзгартириш ва қўшимчалар киритиш тўғрисида”ги ҳамда “Киберхавфсизлик тўғрисида”ги қонунлар мазмун-моҳияти мавзусида ўқув-семинар машғулоти ўтказилди.
Тадбирда вилоят прокуратурасининг тегишли тармоқ ва бўлимлари ходимлари, туман (шаҳар) прокуратуралари, Департамент, ДХХ, Божхона ва ИИБ суриштирувчи ва терговчилари ҳамда ёш мутахассислар иштирок этди. Малакали ходимлар ва мутахассислар томонидан машғулот иштирокчиларига мавзу доирасида видеоматериаллар ёрдамида кенг тушунтиришлар берилиб, кибержиноятларни тергов қилиш тактикаси ва ўзига хос хусусиятлари бўйича тажриба алмашилди.
Мазкур йўналишда ИИБ органлари билан ҳамкорликда олиб борилган назорат тадбирларида аниқланган жиддий қонунбузилиши ҳолатлари бўйича айбдорларни аниқлаш ва жазо муқаррарлигини таъминлаш чоралари кўрилмоқда. Хусусан, Узун тумани “Боботоғ” маҳалласида яшовчи фуқаро Н.Э. туман ИИБга мурожаат қилиб, мурожаатида 2024 йилнинг 24 декабридан 28 декабрига қадар ўзига таниш бўлмаган 1997 йилда туғилган И.А. деб таништирган шахс томонидан ўзининг абонент рақамига тегишли бўлган телеграм аккаунтига “Табриклаймиз, акам, бизнинг шоумизда эҳсонга қўйган “Кобальт” автоулови сизга чиқиб турибди” деган мазмунда СМС хабарнома юбориб, унинг ишончига кириб, турмуш ўртоІи А.К. нинг 9860 ** 6244 рақамли “HUMO” пластик картасидан М.Х.нинг 5614 ** 2292 рақамли пластик картасига жами 30 миллион 77 минг сўм пулини ўтказиб олиб, фирибгарлик йўли билан ўзлаштирганлигини баён қилган.
Шу каби, Узун тумани “Янги куч” маҳалласида яшовчи фуқаро Б.Д. туман ИИБга мурожаат қилиб, мурожаатида 2024 йилнинг 6 декабрь куни ўзига таниш бўлмаган шахс томонидан абонент рақамига қўнғироқ қилиб, яшаш уйининг деразалари учун парда буюртма беришини ва пулини олдиндан ташлаб беришни айтганида, Б.Д. турмуш ўртоғи Н.Н.нинг номида бўлган 8600 ** ** 3807 рақамли пластик картасидан 7 миллион 100 минг сўм пулини ўтказиб бериб, алданганлигини баён қилган.