Sirdaryo viloyati soliq boshqarmasi Shaxsiy xavfsizlik bo‘limi xodimlari huquqni muhofaza qiluvchi organlar bilan hamkorlikda muntazam tarzda shahar va tuman soliq inspeksiyalari xodimlari ishtirokida profilaktik tadbirlar o‘tkazib kelmoqda. Navbatdagi ana shunday tadbir Oqoltin tumani soliq inspeksiyasida tashkil etildi. Tadbirdan so‘ng tumandagi bir nechta savdo va xizmat ko‘rsatish shoxobchalarida manzilli targ‘ibot tadbirlari o‘tkazilib, tadbirkorlarga soliq xodimlari bilan bog‘liq har qanday korrupsiyaviy huquqbuzarliklar yuzasidan murojaat qilish tartiblari tushuntirildi.