2025-yilning 2-kitobi yakunlandi...
Badiiy kitoblar hayotimdan muhim o‘rin egallaydi. Ba’zan muammolardan qochish, ba’zan hayotning bir xilligidan chekinish uchun mutolaa qilaman. Bu safar qo‘limga tushgan Sara Joning "Londondan muhabbat ila"si esa chin ma’noda meni London ko‘chalari-yu, Santa Monika sohillariga sayr qildirdi.
Nimasi bilan bu kitob ko‘nglimdan joy egalladi?
- yengil tili;
- qiziqarli voqealari;
- sifati;
- kitoblarga aloqadorligi;
- samimiy tuyg‘ular haqida ekanligi.
Bundan bir necha yil avval "Mo‘yna mantoli madonna"ni o‘qiganimda shunaqa hislar og‘ushida qolgandim. O‘z hayotimni butkul unutgandim. Bu kitob ham ayni hislarni berdi.
Hikmat izlaganga hikmatdir dunyo deganlaridek, bu kitobdan ham o‘zimga tegishli xulosalar oldim: orzu qilishga cho‘chimaslik, o‘tmishni tinch qo‘yib kelajak tomon odimlash, har doim qalb amriga quloq tutish, bu dunyoda insonni ertalab erta uyg‘ota oladigan bir maqsadi bo‘lishi, har doim muhabbat va yaxshi insonlar borligiga ishonish...
Mutolaa davomida kitobda kelgan joylarga virtual sayohat qildim. Bu mutolaamni yanada qiziqarli qildi. 7-sinfligimdan beri Londonga borish eng katta orzularimdan biri, uning ko‘chalari, muhtasham binolari, ob-havosiga muhabbatim bo‘lakcha. Kitobni o‘qib Londondagi Primrose Hillga, hamda Amerikadagi Santa Monika va uning sohillariga borishni orzularim qatoriga qo‘shdim.
Kitobni o‘qishingizni tavsiya qilaman!
P. S. Quyidagi suratlar asarda keltirilgan joylar.
Badiiy kitoblar hayotimdan muhim o‘rin egallaydi. Ba’zan muammolardan qochish, ba’zan hayotning bir xilligidan chekinish uchun mutolaa qilaman. Bu safar qo‘limga tushgan Sara Joning "Londondan muhabbat ila"si esa chin ma’noda meni London ko‘chalari-yu, Santa Monika sohillariga sayr qildirdi.
Nimasi bilan bu kitob ko‘nglimdan joy egalladi?
- yengil tili;
- qiziqarli voqealari;
- sifati;
- kitoblarga aloqadorligi;
- samimiy tuyg‘ular haqida ekanligi.
Bundan bir necha yil avval "Mo‘yna mantoli madonna"ni o‘qiganimda shunaqa hislar og‘ushida qolgandim. O‘z hayotimni butkul unutgandim. Bu kitob ham ayni hislarni berdi.
Hikmat izlaganga hikmatdir dunyo deganlaridek, bu kitobdan ham o‘zimga tegishli xulosalar oldim: orzu qilishga cho‘chimaslik, o‘tmishni tinch qo‘yib kelajak tomon odimlash, har doim qalb amriga quloq tutish, bu dunyoda insonni ertalab erta uyg‘ota oladigan bir maqsadi bo‘lishi, har doim muhabbat va yaxshi insonlar borligiga ishonish...
Mutolaa davomida kitobda kelgan joylarga virtual sayohat qildim. Bu mutolaamni yanada qiziqarli qildi. 7-sinfligimdan beri Londonga borish eng katta orzularimdan biri, uning ko‘chalari, muhtasham binolari, ob-havosiga muhabbatim bo‘lakcha. Kitobni o‘qib Londondagi Primrose Hillga, hamda Amerikadagi Santa Monika va uning sohillariga borishni orzularim qatoriga qo‘shdim.
Kitobni o‘qishingizni tavsiya qilaman!
P. S. Quyidagi suratlar asarda keltirilgan joylar.