👩
Qizlarni kamsitish shuncha bo‘lurmu, hay-hay...
Yana o‘sha adolat, aniqrog‘i
Amir Temur nomi bilan qilinadigan adolatsizlik haqida.
Mandat natijalari chiqqach, Temurbeklar maktabi bitiruvchilariga beriladigan qo‘shimcha ball tarzidagi imtiyoz
naqadar adolatsizlik ekanligi yana bir bor o‘z isbotini topdi.
Masalan, Jahon iqtisodiyoti va diplomatiya universitetining Xalqaro munosabatlar yo‘nalishida
davlat granti uchun o‘tish bali 205,2 ballni tashkil etgan. Natijada o‘z kuchi bilan, hech qanday imtiyozsiz
189 ball olgan bir necha abituriyent kontraktga kirgan. Tasavvur qilyapsizmi, ular barcha savollarga
100% to‘g‘ri javob bergan, to‘plash mumkin bo‘lgan
maksimal ballni to‘plashgan, qo‘lidan keladigan hamma ishni qilgan. Ammo...
Ammo bizning "o‘ta aqlli" masʼullarimiz o‘ylab topgan
o‘ta ADOLATSIZ imtiyoz natijasida davlat byudjetidan eng zo‘r sharoitlar bilan taʼminlab qo‘yilgan maktabning bitiruvchilari
GARCHI PAST BALL olgan bo‘lsa ham, o‘sha maksimal ball olganlardan
yuqoriga chiqib, davlat granti uchun ajratilgan barcha o‘rinni band qilishgan.
189 ball bilan kontraktga kirgan abituriyentlarning
3 nafari qiz bolalar (yuqoridagi suratlarda ularning natijasi). Qizlarni kontraktda o‘qitish bizda nimani anglatishni juda yaxshi bilasizlar.
Nega endi ular shunchaki qiz bolaligi uchun MAKSIMAL ball to‘plasa ham kontraktda o‘qishi kerak? Uning aybi qiz bolaligidami?
To‘g‘ri, kimdir aqllilik qilib aytishi mumkin, 189 ball to‘plaganlarga Prezident granti beriladi va ular byudjetda o‘qiydi, deb. Ammo bu muammoning yechimi emas. Unda
187,9 ball to‘plagan qizlarchi?
(4-rasmga qarang). Ular majburiy fandan
atigi 1 tagina xato qilgan va endi
4 yil kontraktda o‘qishi kerak. Bechora qizlar, xato qilishga haqqi yo'q qizlar...
©
Manba @Abituriyentga_xos kanal
