Янги йил тилаклари 😊

Дуо учун очилсин бу билаклар
Инобатга ўтсин гўзал тилаклар
Янги йилни жуда яхши кутволинг
"Омад шовда"афтамабил ютволинг.

Беморларга шифо берсин худойим
Мусофирлар омон бўлсин илойим
Хамма эзгу ниятига эришсин
Узоқдаги яқинлар хам кўришсин

Келажакка умид берсин хаёллар
Бешик қучсин фарзанди йўқ аёллар
Йигит -қизлар бахт эшигин тутсинлар
Бўйдоқликни сафларидан кетсинлар

Омад берсин деймиз хамма хаммага
Инсоф берсин тоға,хола,аммага
Умр берсин, каттаю ёш қарига
Мехр берсин ака -ука барига

Севишганлар муродига етсинлар
Менга деса чет элларга кетсинлар
Ўртамизда оқибатлар қочмасин
Энг асосий светимиз ўчмасин

Номардларга тушмасин хеч ишимиз
Қаримасдан тўкилмасин тишимиз
Хасадгўйлик йироқ бўлсин бизлардан
Сақланайлик ғийбат деган сўзлардан.

Шу тилакни ўқиганлар бой бўлсин
Икки дунё саодатга ёр бўлсин
Ўзбегимнинг уйларида тўй бўлсин
Сўйганлари семиз -семиз қўй бўлсин.

Кимда неки ният бўлса ушалсин
Дастурхонга файз барака тўшалсин
Қани омин юзга тортинг фотиха
Янги йилда хамма тилак ушалсин!

✍️. Барчиной Йу‌'лдашва