⚡️
Yer olgan yoshlarga 100 mln soʻmgacha kredit ajratiladi
🇺🇿 Prezident Qarori
(PQ-153-son, 05.04.2023-y.) ga
koʻra, tuman hokimliklari zaxirasidagi
60 ming gektar yer maydoni elektron onlayn auksion
(“e-auksion”) savdolariga qoʻyilib,
dehqon xoʻjaliklarini tashkil etish uchun yoshlarga ijaraga beriladi. Bunda, talabgorlar roʻyxati “mahalla yettiligi”ning tavsiyasi bilan shakllantiriladi.
▪️Auksion gʻoliblariga yer uchastkasi narxini
10 yil muddatga teng ulushlarda
foizsiz boʻlib-boʻlib toʻlashga ruxsat beriladi; zakalat puli
BHMning 1 baravari (340 ming soʻm) miqdorida belgilanadi.
Shuningdek,
qishloq xoʻjaligi mahsulotlarini yetishtirishdan sotishgacha boʻlgan zanjirni qamrab oluvchi yangi tizim boʻyicha talabgorlarga quyidagi qoʻllab-quvvatlash choralari joriy etiladi:
▫️Prezident
qarorida nazarda tutilgan shartlarda va mablagʻlar doirasida talabgorlarga tijorat banklari tomonidan
7 yilgacha muddatga 100 mln soʻmgacha kredit ajratish
(Bu “mahalla yettiligi”ning kafilligi asosida ajratiladi va ular kreditlarning natijadorligi uchun teng javobgar boʻladi);
▫️talabgorlarga mini-texnika, urugʻ va koʻchat xaridiga
“Yoshlar daftari” jamgʻarmasidan
5 million soʻmdan subsidiya, Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasidan –
33 mln soʻmgacha kredit ajratish;
▫️joylardagi 167 ta “Agromarkazlar” orqali xususiy sektorni jalb etgan holda
urugʻ, koʻchat yetkazish, mineral oʻgʻit berish, mini-texnika va agronom xizmatlari yoʻlga qoʻyiladi hamda yetishtirilgan mahsulotni xarid qilishga
qayta ishlovchilar va eksport qiluvchilar biriktiriladi.
Talabgorlar tomonidan yer maydonlarida yetishtiriladigan ekin turlari va ular miqdorining doimiy monitoringi
“Yosh fermerlar” platformasi orqali amalga oshiriladi.
Kanalga ulanish👇:
🇺🇿
@SharofiddinovBlog