СЕН БЎЛСАНГ,
МЕН БЎЛСАМ
ва бўлса Осмон
Ишқинг ёғиб турса,ёмғирдай сим-сим
Ошиғ юрагингга бўлиб гиргиттон-
Ёмғирдай ёғилса,мунис юрагим....
СЕН БЎЛСАНГ
МЕН БЎЛСАМ
ва бўлса тоғлар
Чўққилар БАХТ янглиғ чорлаб турсалар,
Кўзинг оташидан теккан чақиндан-
Қор каби эриса,жами ғуссалар.
СЕН БЎЛСАНГ
МЕН БЎЛСАМ
ва бўлса КАДАР
Бир гулгун бўйлардан хушдир димоғинг.
Ишқ етса жамийки томиринг қадар
Ҳайратга беланса бошдан-оёғинг!!!
СЕН БЎЛСАНГ
МЕН БЎЛСАМ
ва бўлса ХУДО
Ўртада илоҳий унлар бўлсалар.
БИЗНИНГ ҲОЛИМИЗНИ ҚИЛГАНЧА ДУО-
Маъсум,севгинавоз тунлар бўлсалар.
СЕН БЎЛСАНГ
МЕН БЎЛСАМ
бўлмаса хатар,
Шу васл ҳажрингни тинитиб турса.
Нур оқиб,жамийки Ҳисларинг қадар
Нимадир кўксингни илитиб турса...
Бу уйқу,бу тотлиғ,бу бедор карам
Ҳаргиз тугамаса,УЙҒОНИБ КЕТИБ
Огоҳ бўл уйғониб кетма хотирам-
БАХТ ичра висолга сирғониб кетиб....
СЕН БЎЛСАНГ
МЕН бўлсам
ва бўлса ХУДО......

Санобар Мехмон.

@Sevgi_va_armon_Shahlo_Xon
Дилларни ҳушнуд этувчи канал..🌹🌹🌹🥀🎶