❗️2024 йилда амалга оширилган муҳим тадбирлар ва Рамазон ойига тайёргарлик кўриш ҳамда муносиб ўтказиш юзасидан

АОКАда Дин ишлари бўйича қўмита ахборот хизмати раҳбари Илҳом Маърупов иштирокида ўтказилган брифингда маълумот берилди:

🗣Ўтган йилнинг 15-16 октябрь кунлари Тошкент ва Хива шаҳарларида “Ислом – тинчлик ва эзгулик дини” мавзусида халқаро илмий-амалий конференция ташкил этилди.

🗣16 ноябрь – Халқаро бағрикенглик кунига бағишлаб 11-16 ноябрь кунлари Тошкент шаҳрида ва республиканинг барча ҳудудларида Бағрикенглик ҳафталиги доирасида бир қатор маданий-маърифий ва илмий-амалий тадбирлар юқори савияда ташкил этилди.

🗣2024 йилги Ҳаж мавсуми ва Умра зиёрати юқори савияда ташкил этилди. Хусусан, 15 150 нафар зиёратчи Ҳаж амалини бажарди.

🗣2025 йил 6 ва 10 февраль кунлари Ўзбекистон ва Кавказ мусулмонлари идоралари, Қозоғистон ва Қирғизистон мусулмонлари диний бошқармалари, Туркиянинг Диёнат бошқармаси Фатво ҳайъатлари масъуллари ҳамда Туркий давлатлар ташкилоти вакили иштирокида онлайн йиғилишлар ташкил этилди.

🗣Йиғилишларда 2025 йилда Рамазон ойининг бошланиши ва Рамазон ҳайитининг биринчи кунини аниқлаш масалалари муҳокама қилинди. Фатво ҳайъатлари аъзолари Рамазон ойининг биринчи куни 1 март, шанба кунига тўғри келиши бўйича бир овоздан якдил хулоса қилдилар.

🗣Жорий Рамазон ойида Республикада фаолият юритаётган 2145 та масжиддан 1 743 тасида хатми Қуръон тадбирларини ўтказиш режалаштирилмоқда.

🖊 Батафсил

Telegram | Facebook | Instagram | Youtube | Медиабанк