Seb's

@Sebs_channel

Kanal geosi va tili: O‘zbekiston, O‘zbekcha

Toifa: Video va filmlar

Welcome to Seb's:
Podval - @Omadsizlarklubi
Memlar jamiyati - @KinoMemlar
Letterboxd: https://boxd.it/b7sBN

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Video va filmlar

Statistika

Saralanganlar

Postlar filtri

O‘chirilganlarni yashirish

Repostlarni yashirish

Seb's

23 Jan, 14:08

The Vvitch: New England folktale

1630-yillar. Oila bolalari bilan birgalikda shahardan chiqib, o'rmonga yaqin bir joyga ko'chib o'tishdi. Ota-ona hamda ularning beshta bolasi bilan tez orada g'alati ishlar sodir bo'la boshladi. Hammasi ularning eng kichik farzandi yo'qolgandan boshlangandi, ular bolasini bo'ri olib ketdi deb ishonishardi, lekin rostdan ham bu bo'rimidi?

Ushbu film hozirgi kunda horror janriga o'zgacha nafas qo'shib turgan rejissyor Robert Eggersning debyut ishi hisoblanadi. Filmning byudjeti atigi 4mln $ ga teng, lekin filmni ko'rganingizda uni arzongarov film deb o'ylamasligingiz aniq. Bu pul miqdorini taqsimlash uchun o'sha paytdagi nisbatan o'rtacharoq plankadagi aktyorlardan yig'ish, suratga olish maydonini kichraytirish orqali mablag'dan tejash amalga oshirilgani aniq, lekin bunaqa sabablarni ko'rsatmagan holatda filmni o'ta sifatli darajaga chiqishida ikki nomni tilga olib o'tish kerak.

Robert Eggers bu filmni suratga olish uchun yillab shu atrofdagi xalq cho'pchaklari, folklorlari kabi narsalardan material to'plagan, hamda bularni ssenariyga o'ta mahorat bilan joylagan. Filmdagi pishiq ssenariydan tashqari ikkinchi uning eng zo'r quroli bu operatorlik ishi. Operator Jarin Blashkening mahorati tufayli film oddiygina horrordan ko'ra ancha estetikali, atmosferali ijod namunasiga aylangan.

Filmni kinomanlar uchun horror deb qo'ysak ham bo'ladi. Ya'ni odatda bu janrni ko'rmaydigan, yoqtirmaydigan odam ham bu filmdan zavqlanishi mumkin, unaqa arzongarov qo'rqinchli sahnalar kuzatilmaydi bu yerda. Men filmni qo'rqinchli emas demayapman, shunchaki bu kartina o'zining janridan ko'ra kattaroq auditoriyaga yoqa oladi demoqchiman. Uning yagona qiyinchilik tarafi bu uning so'zlashuv uslubi bo'lishi mumkin. Chunki unda 1630-yillar atmosferasi ko'rsatilgani uchun, shu davrdagi eski inglizlar gapirgan tilda so'zlashilgan. Lekin bir-ikki marta google xizmatidan foydalanish odamni o'ldirmaydi bu so'zlarni tushunish uchun, shuni ham yodda tuting.

#tavsiya #taqriz #horror #triller #Eggers

Echkilari yo'q jazz klubi sifatida - Seb's

171 0 2

Seb's

23 Jan, 11:13

00:23

Video oldindan ko‘rish uchun mavjud emas

Telegram'da ko‘rish

#scene

Bugungi menyuda:

195 0 1 1

Seb's

21 Jan, 18:19

Bitta qiziq narsa. Taxmin qilaman uning ro'llariga juda qattiq berilib o'ynashi, yillab tayyorlanishi, suratga olish paytida kamera o'chgan paytda ham xarakterdan chiqmasligini eshitgansiz.

2012-yilgi Lincoln filmi uchun suratga olishning uch oyi davomida Spielberg uni "Janob Prizedent" deb chaqirgan ekan. Hurmatni qara )

260 0 0 1 6

Seb's

21 Jan, 18:10

Daniel Day-Lewis karyerasida hozirgacha 12 ta filmda bosh ro'lda o'ynagan, shulardan 6 tasida Oskar uchun nomzodlikka qo'yilgan, hamda 3 tasini yutgan.

Afsona

250 0 0 1 10

Seb's

21 Jan, 17:18

Nima o'qiymiz?

Mabodo uncha faol bo'la olmay qolsam deb endi bugundan ozgina yangilik qilmoqchiman. Haftada bir marta 7ta o'qish uchun kino haqida yozilgan nimadirlarni tavsiya qilib turaman. O'zimni zerikkanimda kino haqida yozilgan nimadirlar, taqrizlar, sharhlar, ro'yxatlarni o'qib o'tirish odatim bor, shuning uchun sizlarda ham mabodo shunaqa odat bo'lsa deb shu ishni boshlayapman.

1. Qing'ir ishning qiyig'i qirq yilda ham chiqadi "Yaxshisi Soulga qo'ng'iroq qiling" seriali taqrizi

2. Oltin qafas ichra qizil gul bitsa ... yoxud malika Diana hayotidan yarim to'qima film "Spenser" haqida

3. Daxshat simfoniyasi (Nosferatu 2024)

4. After life (taqriz)

5. Boylar nega yig'laydi (White Lotus)

6. Demolition filmi dekonstruksiyasi

7. Hayotga muhabbatning boshqacharoq ko'rinishi, yoxud "Dallas Buyers club"

Fikrlaringizni bildiring izohlarda yuqoridagi taqrizlar bo'yicha. Film haqida yozib turadigan kanallaringiz bo'lsa mayli shu post ostiga ulashing, keyingi hafta siz yozgan film chiqar balki. Ko'proq, uzunroq yozib turing filmlar haqida )

231 0 0 1 4

Seb's

20 Jan, 18:20

Bugun Radiohead haqida gapirgan ekanmiz shuni davom ettirib qo'ya qolay. Bilasiz ko'plab mashhur rejissyorlar faoliyatini klipmeykerlikdan boshlaydi. O'tgan yilgi oskar yutgan "The Zone of Interest" filmi rejissyori Jonathan Glazer ham Radiohead guruhi uchun Street Spirit (Fade Out) qo'shig'i uchun klip olib bergan. Oq-qora tasvirlar boshqacha estetika qo'shgan qo'shiqning o'ziga.

Zavqlaning bu san'atdan:

Street spirit (Fade out)

Radiohead - Street Spirit (Fade Out)

‘Street Spirit (Fade Out)’ is taken from ‘The Bends’ out on XL Recordings. Buy & stream it here: https://radiohead.ffm.to/thebends Director: Jonathan Glazer Producer: Nick MorrisCinematography: Steve Keith-Roach Production company: Academy Music Video Ltd Commissioner: Dilly Gent Follow Radiohead ...

230 0 0 1

Seb's

20 Jan, 17:07

Shedevrning yaralishi - Shekspircha tragediya
Yoxud Romeo va Julyetta qo'shig'i

Ishonamanki ko'pchilik Radiohead guruhining Exit Music (For a film) qo'shig'ini eshitgan, yana bu qo'shiq 1996-yilgi "Romeo + Juliet" filmi uchun yozilganini ham biladi. Nima bo'lganda ham, hozir shu haqida ikki og'iz gapirmoqchiman.

Radiohead guruhi 1995-yilda Bends turiga bu qo'shiq ibditosi borib taqaladi. O'sha paytlarda rejissyor Baz Luhrmann guruh solisti Thom Yorke ning oldiga kelib o'zining yangi filmi uchun qo'shiq yozib berishni so'raydi. Keyin guruh a'zolari filmning hali to'liq tayyor bo'lmagan versiyasidan ozgina tomosha qilishadi, shu ozgina tomosha yetarli bo'ldi: keyin ular birdan ishga sho'ng'ishdi, qo'shiq ustida ishlay boshlashdi. Hozirgi kunga kelib Radiohead ning eng ommalashgan qo'shiqlari qatorida turuvchi tarona shu tarzda dunyo yuzini ko'rdi.

Oldindan aytib qo'yay, mabodo g'orda yashab hali ham Romeo va Julyetta haqida eshitmagan odam bo'lsangiz unda quyida sizni spoyler kutib turgan bo'lishi mumkin.

Qo'shiq quyidagicha boshlanadi:

Wake from your sleep
The drying of your tears
Today we escape
We escape

Misralar g'amgin, zaif sadolar ostida boshlangan bo'lsada, aslida odamga qandaydir umid beradi. Sababi ijrochi sevishganlarni ketishga chorlayapti, balki asardagi tragediya bu yerda sodir bo'lmas degan bir onlik o'y keladi inson hayoliga. Asarda sevishganlar ayro bo'lgandan o'limni afzal ko'rishlari, bu dunyoda bo'lmasa jannatda birga bo'lajaklari haqida o'ylashadi. Radiohead esa quyidagicha davom etadi:

Pack and get dressed
Before your father hears us
Before all hell
Breaks loose

Avval aytgan bir onlik umid uchqunlari shundan keyin asta so'na boshlaydi. Bu yerda albatta "Before all hell breaks loose" jumlasi ko'p xildagi ma'nolarda kelayapti. Lekin uning eng katta vazifasi, bu bizni oldindagi katta xaosdan ogohlantirishdadir.

Sokin boshlangan qo'shiq, o'ta dinamik, emotsional tarzda yakunlanadi. Thom Yorke ning aytishicha bunday katta emotsiyaning asosiy manbasi Julyettaning fojeasidadir. To'g'risi qo'shiqni avval boshda har bir misrasi haqida yozmoqchi edim, lekin avvalo bu musiqiy kanal emas, men musiqiy ekspert emasman, keyin esa qolgan qismini o'zingiz ham yuqoridagilarga bog'lab tushuna olasiz deb o'ylayman. Buni ustiga boshlashdan oldin ikki og'iz deb va'da berdimku to'g'rimi?

Sing us a song, a song to keep us warm

Filmni tomosha qiling, qo'shiqni eshiting azizlar, istasangiz Shekspirni o'qing, muhimi shedevrdan zavqlaning.

Doimgi musiqalar uyi sifatida - Seb's

221 0 0 3 1

Seb's

20 Jan, 17:07

Exit Music (For a Film) — Radiohead

04:27

208 0 2 1

Seb's

20 Jan, 17:00

Keyingi postdan oldin so'rab olay, Radiohead ning muxlislari topiladimi bu yerda?

223 0 0 6 1

Seb's

19 Jan, 17:19

So'rovnoma g'olibi bo'lgan #tanlanma tayyor

Seb's

Yakuniy taxminlarni yo'qqa chiqaruvchi trillerlar

Ko\'rib o\'tirgan filmingiz voqealari juda jo\'n, oddiydek ko\'rinib turibdi, lekin kartina finali yaqinlasha boshlaganda siz o\'zingiz...

827 2 20 14 7

Seb's

19 Jan, 17:09

Ozgina cho'zilganiga yarasha yaxshi ro'yxat chiqdi deb o'ylayman,
Soon...

268 0 0 3

Seb's

13 Jan, 18:04

It just happens. When you grow up, your heart dies.

Breakfast club

491 0 0 1

Seb's

13 Jan, 18:02

Seb's dan repost

We are all pretty bizarre. Some of us are just better at hiding it, that's all

Breakfast club

444 0 0 1 5

Seb's

12 Jan, 16:18

#tanlanma

Yakshanbada horror muxlislari uchun yaxshigina sovg'amiz bor. Rejissyor Skott Derrikson o'zining top 100 horror filmlar ro'yxatini tuzgan ekan, yaqinda ko'zim tushib qoldim shuni sizga ham ulashmoqchiman. Skottning o'zi juda istedodli horror filmlar rejissyori hisoblanadi, juda ko'pchilik uchun eng zo'r qo'rqinchli filmlardan biri bo'lgan "Sinister" filmi orqali taniysiz menimcha uni. Hozir uning ro'yxatidan yuqori 10lik bilan tanishtiraman sizni.

10. Martyrs

Bolalikda o'zini o'g'irlab ketgan kimsadan qasos olish niyyatidagi ayol hikoyasi. Martyrs filmi ko'rish juda qiyin bo'lgan horrorlar sirasiga kiradi. Deylik Arra franshizasi, yoki yaqin yillar xitiga aylangan Terrifier franshizasidagi shafqatsiz sahnalar muxlisi bo'lsangiz unda bu film sizniki. Mabodo, unaqa qon, beshafqat sahnalar siz uchun bo'lmasa sabr qiling, yuqori o'rinlarda siz uchun ham filmlar topamiz.

9. I saw the Devil

Janubiy Koreyalik film ijodkorlari tomonidan suratga olingan bu kartina hozirga kelib o'ta katta mashhurlikka erishgan. Ikki telbaning bir-biri bilan mushuk sichqon o'ynashi ustidan kimdir bir dunyo "Ultrzo'ravonlik" sepib yuborganday xuddi. O'zi Skottning tanlanmasiga ko'ra rejissyor Ultrazo'ravonlik muxlisi ekanligini sezish qiyin emas.

8. The Orphanage

2007-yilda chiqqan Ispanlar tomonidan ishlangan ushbu kartinani shaxsan o'zim hali ko'rishga ulgurmadim. Lekin o'zim film haqida o'qiganlarimdan, hamda bu ro'yxatdagi top o'rinlardan joy olganligidan ishonamanki u asrimizning eng yaxshi horrorlaridan. Filmni ko'rsam albatta u haqida yana alohida yozaman )

7. Carrie

Carrie White maktab bitiruvchisi. Uning onasi esa o'ta diniy fanatik, u o'z qarashlari bilan qizini bu tashqi olamdan himoya qilishga urinadi doim. O'quv yili oxirlab qolgan paytlarda boshlanuvchi voqealar bilan biz ham filmni tomoshasini boshlaymiz. Brian de Palma rejissyorlikda, aktyorlar jamoasida John Travolta, ssenaristlik kursisida kimsan Stephen Kingni o'zi o'tirgan bu filmni janr muxlislari o'tkazib yubormasligi aniq.

6. Poltergeist

Oilaning uyiga arvohlar tashrif buyura boshladi. Chinakamiga. Lekin tashrifi do'stonamikan o'zi? Tobe Hooper tomonidan rejissyorlik qilingan, ssenariyga naqd Stiven Spilbergni o'zi yordam qilgan bu film, baxtga qarshi bu filmni ham o'zim ko'rib ulgurmaganman, lekin albatta yaqin orada ko'rib, unga ham to'xtalish niyyat bor.

5. Psycho

Horrorning, saspensning chinakam ibtidosi. Hitchkok. Menimcha ortiqcha so'zga xotaj yo'q bu film uchun.

4. The Shining

Stanley Kubrick faoliyatida o'zgacha o'rinda turuvchi filmlardan biri. Ko'plab mashhur saytlar bu filmni barcha davrlarning eng zo'r horror filmi sifatida ko'radi. Filmning yakuni ham ko'plab muhokamalarga sabab bo'lib keladi, hozirgacha.

3. The Exorcist

Yana bir janr klassikasi. Ro'yxatimiz muallifi Scott Derricksonni o'zining filmlarini ko'rib ham xulosa qilish mumkinki, u The Exorcist filmini, undan ilhomlanishni yaxshi ko'radi. To'g'risi sezib turganingizday ro'yxatdagi bunaqa mashhur filmlar uchun ko'p narsa yozib o'tirishni keragi yo'q deb hisoblayabman.

2. Jaws

Yana bir klassika. Stiven Spilbergni jahonda "katta" rejissyorga aylantirib yuborgan film. Mabodo hali filmni ko'rib ulgurmagan baxtli odamlar safida bo'lsangiz uni quloqchinlarda ko'rishni maslahat beraman, filmdagi tovushlarni haybatini his qilish uchun.

1. Suspiria

Dario Argento tomonidan ishlangan 1977-yilda chiqqan, horror degan janr ichida san'at yaratgan film. Umuman filmni ko'proq Art-House deb atasak to'g'riroq bo'lar. Tomosha davomida uning ko'plab jihatlari tomoshabinni hayratga solishi mumkin, lekin menimcha plot filmning kuchli qurollaridan emas, kim bilsin. Har kim buni o'zicha qabul qiladi, albatta siz ham tomosha qilib u haqida fikringizni bildirishingiz mumkin.

— — —

To'liq 100ta film ro'yxati bilan quyida tanishishingiz mumkin:

TOP 100 Horror filmlar (Scott Derrickson talqinida)

Horror uyi sifatida - Seb's

Film list: TOP 100 HORROR

A list of 100 films compiled on Letterboxd, including Suspiria (1977), Jaws (1975), The Exorcist (1973), The Shining (1980) and Psycho (1960).

433 0 4 7 3

Seb's

12 Jan, 08:41

Bugungi dam olish kungi menyumiz horror janri muxlislari uchun maxsus tuzilmoqda.
Qiziqmi?

349 0 0 3 9

Seb's

11 Jan, 16:35

03:42

Video oldindan ko‘rish uchun mavjud emas

Telegram'da ko‘rish

Qaysidir parallel olamda Scott Pilgrim haqiqatdan mavjud, hamda unda Brie Larson rok guruhida qo'shiq aytmoqda. Mana shu inson orzu qilsa bo'ladigan reallik.

Scott Pilgrim vs. The World

394 0 2 4 4

Seb's

10 Jan, 14:15

Letterboxd marafoni 8-o'rin:

Qafasda saqlanmaydigan qushlar parvozi haqida:

Shawshank Redemption -

Endi (Andy) aslida begunoh bo'lishiga qaramasdan, uni sudda xotini hamda uning o'ynashini o'ldirganligi uchun butun umrlik qamoq jazosiga Shoushenkga hukm qilishdi. U qamoqda Red ismli odam bilan tanishdi, ikkalasi qalin do'stlarga ham aylanishdi. Shubhasiz qamoqxona hayoti Endiga og'ir keldi, lekin keyinroq avval ozodlikdagi faoliyati tufayli unga qamoqxonada o'ziga sal mosroq ish topib berishdi.

Film hozirgi kunga kelib deyarli o'ziga taqriz yozib bo'lmaydigan darajaga erishdi, juda ko'p marta taqrizni yozib, o'chirib, qayta yozib ko'rdim. Hech biri yoqmayapti o'zimga, IMDb reytingida 3milliondan ko'p ovoz bilan birinchi o'rinda turadigan kino haqida kimnidir hayron qoldiradigan fakt topib berish, yoki odamlarni qiziqtiradigan nimadir jihat ko'rsatish juda qiyin men sizlarga aytsam. Bu filmni o'zini ko'rmagan odamni topish ham qiyin vazifaday tuyiladi.

Film o'zida turli xil g'oyalarni mujassam etishi bilan zo'r. Dastlab u haqida gap boshlashdan oldin bir daqiqaga xotirangizni titkilang. Bulbulni izlagan podshoh haqida ertak esingizdami? Ha, ertak oxirida bulbul podshohni davolaydi, lekin u o'zini o'rmoni tomon uchib ketadi, bu qush qafasda saqlashga mo'ljallanmagan edi. Har qancha keng, yaltiroq qafas ham uning uchun arzon, unga tor kelardi. Shoushenk avvalo shu haqidagi kartina, ozodlikning madhiyasi bu film!

Filmda Endi hamda Redning dastlabki gaplashadigan sahnasida Red (Morgan Friman) beysbol o'ynayotgan bo'lishi kerak bo'lgan, bu sahnani olish esa naqd 9soatga cho'zilib ketgan ekan. Rejissyor Darabont sahna uning ko'nglidagiday chiqmaguncha qayta suratga olavergan. Ertasiga esa Friman qo'lini osiltirib bog'lagancha suratga olish maydoniga tashrif buyurgan ekan. Mana sizlar uchun agar film haqida bilmagan bo'lsangiz qiziq jihat.

Shoushenk insonni umid degan tuyg'u bilan yashashga chorlaydi. Endi qancha qiyinchiliklaeni yengan bo'lsa hammasi uchun eng katta sababchi, eng katta motivator bu umid bo'lgan. U qamoqdagilarga o'rgatgan eng katta narsasi ham umidni yo'qotmaslik bo'lgan. Shoushenk insonni ozod bo'lib yashashga chorlaydi. Ushbu film bizga to'rt devor ichida uzoq muddat yashagan inson keyinchalik tashqi dunyoga moslasha olmaganini misolini beradi. Bu gap bilan esa oddiy hayotda ham odamlarning o'zlarini bir xil kun tartibga o'rgatib qo'yishi, keyinroq esa bu holatni o'zgartirishi juda qiyin kechishi haqida ishora beradi. Xullas gapni cho'zib nima qildim, Shoushenk har qaysi ro'yxatda istalgancha yuqorida tura olishga haqqi bor kam sonli filmlardan, shunday ekan uni qayta ko'rish hech qachon yomon tanlov bo'lmaydi.

#taqriz #drama #tavsiya #letterboxdtop

Bu yerda Seb's bo'lgan

481 0 1 7 5

Seb's

10 Jan, 13:44

03:33

Video oldindan ko‘rish uchun mavjud emas

Telegram'da ko‘rish

Warner Bros. dastlab filmni sahnalashtirilganda ozgina noqulay vaziyatga tushib qolgan, marketingchilar uni qaysi taraflama reklama qilishni bilmay boshlari qotgan. Oqibatda esa kunday ayonki film kassada muvaffaqiyyatsizlikka uchradi. Tomoshabinlar tomonidan esa unchalik ham yomon qabul qilinmagan edi. Keyinroq film Oskarga yettita nominatsiyada qo'yildi, lekin birontasini yuta olmadi.

Hozirga kelib esa film zamonaviy klassikaga aylandi.

#scene

The Shawshank Redemption

333 0 3 3 6

Seb's

10 Jan, 11:49

Kanaldagi kam sonli animeshniklar uchun #Savol
Qaysi animening o'zbekchasi yo'q, lekin siz bo'lishini istar edingiz?

387 0 1 28

Seb's

8 Jan, 15:59

#AOT

"Attack on Titan" animesining to'rtinchi mavsumining 5-qismi "Declaration of war" (IMDb saytida reytingi 9.7) efirga ketgandan so'ng muxlislar o'rtasida juda katta shov-shuvlarga sabab bo'lgan. Muhokamalar shunchalik qizg'in tus olib Twitter ijtimoiy tarmog'ida (hozirgi X) o'sha paytda #Declarationofwar heshtegi ommalashib ketgan.

Buning qiziq tomoni esa, animedan xabari yo'q oddiy odam bu heshtegni ko'rgach qayerdadir urush boshlanibdi deb o'ylagan, zo'r-a?