Seb's

Bu postni tayyorlash fikri "A real pain" filmini ko'rish paytida kelgandi. Dastavval faqat shu film haqida yozmoqchi edim, keyinroq esa boshqa filmlarni ham qo'shib birga yozish kerak degan fikr keldi. Bu mavzu ichi hamda atrofidan ba'zi filmlar haqida gaplashib o'tamiz ketma-ket, demak qulayroq joylashing, birinchi filmimiz:

Schindler's list

Oskar Shindler ikkinchi jahon urushi paytiga kelib biznesi yashnashni boshlagan biznesmen, u boshida xasisroq bir biznesmen edi, vaqt o'tishi bilan uning maqsadlari, dunyoqarashi o'zgarib borishni boshladi.

Film 1993-yilda ekranlarga chiqqan, Stiven Spilberg rejissyorligidagi, oq-qora tasvirlarga muhrlangan biografik kartina. Kartina bosh maqsadi esa ikkinchi jahon urushi paytidagi Yahudiylar qirg'inini ommaga ko'rsatish bo'lgan. Ya'ni aynan urush frontlari emas, o'sha bir toifada genotsid e'lon qilingan Yahudiylar qismatini bizga ko'rsatishni maqsad qilgan, hamda bu ishni o'ta katta mahorat bilan uddalagan.

Film syujeti naqd 3 soatdan ziyod, lekin shunday bo'lishiga qaramasdan uni bir nafasda ko'rib qo'yasiz. Filmni bir paytning o'zida ham o'ta chiroyli olinganligini, ham daxshatli chiqqanligini aytib e'tirof etsa bo'ladi. Siz bu kartinani bir marta juda katta emotsiyalar qarshisida qolib tomosha qilasiz, lekin ikkinchi marta tomosha qilish uchun odamdan katta jasorat talab qiladi.

Bir qiziq fakt, filmdagi Amon Got obrazini gavdalantirgan Ralf Finesni ilk bor ko'rgan real hayotdagi genotsiddan omon qolgan bir ayol o'ta daxshatga tushgan ekan. Sababi aktyor o'zi o'ynaydigan obrazdagi odamga real hayotda o'ta o'xshash bo'lgan ekan. Buni qarang, Voldemortdan ham qo'rqinchliroq narsa nima bo'lishi mumkin deb o'ylayotgan bo'lsangiz bu albatta natsi Voldemort bo'lardi ))

#taqriz #tavsiya #drama #biografiya #Spilberg

Seb's

Ha, keyingi post ikkinchi jahon urushi davridagi yahudiylar qirg'ini, genotsid haqidagi filmlardan iborat bo'ladi, menimcha buni topdingiz.

Hozir ungacha men tavsiya bermoqchi bo'lgan narsa bu Attack On Titan animesidir. Uni ko'rmagan odam bu animeni genotsidga nima aloqasi bor deb o'ylashi mumkin. Ko'rganlar esa menimcha tushunishdi. Bu animeda aynan shu barcha insonlar tengligi, ularni irqi, kelib chiqishiga qarab, yoki ajdodlari qilgan ishlariga qarab ajratib bo'lmasligini juda ajoyib qilib ko'rsatib berishgan.

Quyida animega kichikroq spoyler bor, bu gaplarimni tushuntirishga yordam beradigan. Istasangiz o'qing.

Keling istasangiz kichikroq qilib aytib o'taman, animeda Paradis orolidan tashqaridagi odamlarda, Eldianliklar maxsus qo'llariga bog'ich bog'lab yurishi kerak bo'lgan, ular alohida qilib bir shaharchaga yashash uchun joylashtirilgan, yana ularning irqini gunohkorlar, bu dunyoda yashashga haqqi yo'q deb hisoblashgan boshqalar. Xo'sh bu gaplar sizningcha yana nimaning analogi bo'lib xizmat qilishi mumkin.

Qaysidir telegramdagi kino kanal Menyu so'zini anons sifatida ishlatsa bir qop semirib qo'yyabman.
Sizlar ham har safar shu so'zni ko'rganda meni, Seb's ni eslab qo'ying.

Aytganday, bitta zo'r yangilik bor sizlarga

Slow horses serialida bir qahramon bor, uning mashinasi faqat bitta qo'shiqni ijro qiladi, boshqa qo'shiqni qo'yib ham bo'lmaydi, yoki ijro etilayotgan qo'shiqni o'chirib ham. O'sha qo'shiq Coldplay ijrosidagi The Scientist qo'shig'i. O'ylab qarasak unchalik ham yomon mashina emas ekan.

Xayrli tong.

Shryodinger mushugining adaptatsiyasi:

Fanda Shryodinger mushugi degan tushuncha bor. Bu bir tajriba bilan bog'liq, aytaylik bir qutiga mushukni solamiz, keyin qutiga zahar ham solamiz va quti og'zini berkitamiz. Endi bu yerda ikki xil holat bo'lishi mumkin: mushuk yoki o'lgan, yoki hali ham tirik. Najitani esa faqat qutini ochganda bilib olamiz to'g'rimi? Kvant fizikasi esa bizga bu mushuk bir vatning o'zida ham o'lik, ham tirik ekanligini aytadi, faqatgina qutini ochganimizda ikki hodisa o'zaro to'qnashib, bittasi reallikga chiqadi. Bo'pti gapni cho'zmay filmga o'tamiz:

Coherence (Связь)

Sakkiz do'st kecha uchun yig'ilishmoqchi. Lekin buning qarangki ular tanlagan kechada Astronimik qandaydir anomaliya kuzatilarkan. Bular ortidan esa yig'ilgan qahramonlarimiz bilan g'alati ishlar sodir bo'la boshlayapti.

Film haqida anchadan beri bilardim, faqat ko'rishni ancha ortga surib kelayotgan edim. Endi ko'rgandan so'ng esa nega buncha ortga surganimni bilmay o'ylanib o'tiribman. Keling sizga ham bu filmni nega ko'rishingiz kerakligini tushuntirib berishga harakat qilaman.

Filmning ssenariysi, uning g'oyasi juda ajoyib, hamda qiziqarli. Kamtargina byudjetli bo'lsada, o'ta yaxshi chiqqan ilmiy fantastika. Filmni olishga ketgan byudjet juda-juda kichik ekanligini ko'rganimdan so'ng, bu film ham film yaxshi chiqishi uchun asosiy sabab pul emasligiga misol ekanligini sezdim. Filmdagi ba'zi kamera rakurslari dogma 95 ni eslatib yuboradi, lekin men buni ijodkorlar ataylab qilishganmi yoki byudjet kichikligidan shunga majbur bo'lishganmi unchalik amin emasman. Lekin bir narsani bilamanki, bu harakatlar filmga juda yarashgan.

Diqqat qiling, filmni suratga olish ishlari bor yo'g'i 5 kundan iborat bo'lgan, butun boshli filmni 5 kechada (faqat kechada) suratga olib tashlashgan. Filmdagi voqealar ham butun boshli bir tushlik vaqtida ro'y beradi deyarli. Lekin ijodkorlar bu kichik joyda bizni hecham zeriktirib qo'ymaydi, chunki qahramonlarimiz naqd 8ta. O'zi ijodkorlar haqida gapirganda film ssenaristi, hamda rejissyoriga hurmat aytib o'tish kerak bu filmi uchun.

Filmga fan aralashganini, ayniqsa u fizika bo'lsa yaxshi ko'rsangiz, reallik bilan o'ynashishni yoqtiradigan filmlarni yoqtirsangiz, mustaqil indie filmlar, hamda sci-fi lar yonidan jim o'tib keta olmaydigan tipdan bo'lsangiz unda bu film siz uchun.

#taqriz #tavsiya #SciFi #triller

Vaqt paradoksiga aylangan Jazz klubi - Seb's

Bugungi menyumizda nima film ekanligini topishinglar uchun belgi.
(Letterboxdda kuzatadiganlar boshqalarga albatta, ular bilsa kerak qaysiligini)

Sevgi triologiyasi

Rejissyor Wong Kar-Wai filmografiyasida norasmiy triologiya hisoblanadigan sevgi triologiyasi bor. Triologiya o'z ichiga uch filmni oladi: Days of Being Wild, In the mood for Love, hamda 2046. Ular orasida In the mood for love kino ahli orasida o'zgacha shuhrat qozongan. Bugun esa ushbu filmning davomi deb qaraladigan film haqida gaplashamiz.

2046

Avvaldan aytib qo'yay, mabodo bu filmni ko'rishim uchun avvalgi ikkitasini ko'rishim shartmi deb o'ylayotgan bo'lsangiz, yo'q. Shart emas, lekin albatta undan to'liq zavq olish uchun triologiyani boshidan ko'rib chiqishni tavsiya bergan bo'lardim.

Chow - jurnalist, yozuvchi. U Gongkongga keldi, kitob yozish istagida. Hamda u o'zi yozayotgan ilmiy fantastik asari 2046 ga juda kirishib ketdi. Bizga esa hikoya Chow ning hayoti bilan birga ushbu 2046 dagi parallellar orqali uzatiladi.

Wong Kar-Wai oladigan filmlaridagi go'zallikni boshqa hech bir rejissyordan topa olmaganman. Bugungi filmimiz 2046 da ham ranglar uyg'unligi, o'ta chiroyli inson ko'zini qamashtiruvchi kadrlar bisyor topiladi. Uning filmida 3ta asosiy ranglar yaqqol ko'zga tashlanadi. Birinchisi qizil, ikkinchisi ko'k, uchinchisi esa sariq. Uchchala ranglar ham anchayin to'q holda ko'rinadi asosan. Rejissyorning avval qaysidir boshqa filmini ko'rgan bo'lsangiz tushundingiz meni deb o'ylayman.

Filmda asosiy bosh mavzu sifatida sevgi tanlangan. Bosh qahramonlarning hatti-harakatlarining asosida sevgi yotadi doim. 2046 esa Chow ning ichida qolib ketayotgan hisslarini bizga yetkazib berishida bir vosita bo'lgan. Filmni o'z yakunida sizni bir qancha melanxolik kayfiyatga sola oladi. Hamda sizda insonlarning o'zaro munosabatlarini so'roq ostiga olishga qandaydir moyillik beradi menimcha.

Filmni kechqurun ko'rish kerak, boshqa hech qaysi mahal to'g'ri kelmaydi bu atmosferadan to'liq zavq olishga. Kechki payt bir o'zingiz, qulayroq o'rinda nimadandir oxista simirib dam olishni istasangiz unda bu film ideal tanlov.

#tavsiya #taqriz #drama #SciFi #WongKarWai

Kelajak poyezdining bir qismi - Seb's