Samandar Gʼaniyev Blog

#Sarhisob - 2024

2024 - yo'qotganlarimdan topganlarim ko'p bo'lgan yil bo'ldi. O'zlikni va atrofimdagilarni anglash yili bo'ldi. Ko'p darslar o'rgangan yilim bo'ldi.

Bu yilni quyidagi 10 ta yo'nalish bo'yicha sarhisob qildim:

1. Oila - Ishim va o'qishim uzoqda bo'lganligi tufayli, bu yil oilam bilan ko'proq telefon orqali aloqada bo'ldik. Yangi yilda u narsani to'g'rlashga harakat qilaman.

2. Do'stlar - Bu yil do'stlarimdan eng ko'p kuygan yilim bo'ldi. Yangi do'stlar ham topdim albatta lekin ko'prog'ini yo'qotdim. Keyingi yil bu uchun yechim ham o'ylayapman.

3. Sog'liq - Sog'liq tomonlama hammasi yaxshi xudoga shukr, lekin endi sport va yillik tibbiy ko'riklarni ham muntazam qilishni qo'shish planlari ham bor.

4. Hobby - O'tgan yili hobbyim bo'lgan shaxmat bu yil negadir yoqmay qoldi. Bu yil umuman hobby ham topa olmadim va unga vaqt sarflamadim. Hali u haqida o'ylayapman.

5. Pul - Bu yil pul bo'yicha o'sish ancha yuqori bo'ldi. Daromadim 10x ga o'sibdi o'tgan yilga solishtirganda. Hali yana yaxshi rejalar bor, muhimi skill ekan.

6. Dam - Kechasi ko'proq ishlay boshladim va bu uyqu cyclega juda yomon ta'sir qildi. Dam olish ko'p bo'ldi lekin sifatli dam bo'lmadi. Bularga ham yechim qidirayapman.

7. Shaxsiy rivojlanish - Ko'p narsalarni o'rgandim lekin o'ylaganimdan shaxsiy tomonlama rivojlana olmadim va albatta bunga ishim, ijtimoiy tarmoqlar va o'qishim sabab. Lekin yangi yilda bu uchun alohida vaqt ajratilgan.

8. Ish/Biznes - Yangi yilda yangi ish boshladim va xudoga shukr hozirda yaxshigina darajaga chiqdim, hali biznes boshlab ulgurmadim va ba'zi g'oyalar o'ylab yuribman.

9. Kitoblar - Bu yil kamroq kitob o'qidim lekin ulardan ancha ko'proq darslar oldim. Ba'zi kitoblarni qayta o'qib chiqdim. Ularni mana bu link orqali ko'rsangiz bo'ladi.

10. Blog - Blogimga e'tiborim juda kam bo'ldi va bu eng katta xatoyim ekanligini tushunib yetdim. Endi yangi yilda aktivlik yaxshi bo'ladi.
Bundan tashqari kitoblar va iqtiboslar uchun alohida kanallarni yuritib boshladim.

Qisqa qilib aytganda rivojlandim va shunda davom etaman!

Sizda yil qanday o'tdi? Ulashing!

P/s: Bu ro'yxatni tuzishda "Wheel of Life"dan foydalandim.

Hayotning ma'nosi

Bu savolga doktor umumiy ma'noda javob bera olishiga shubha qilaman. Hayotning ma'nosi odamdan odamga, kundan kunga va soatdan soatga qarab farq qiladi. Shuning uchun odamning hayotning umumiy ma'nosi emas balki o'sha aniq bir vaqtdagi inson hayotining ma'nosi ko'proq muhimroq. Bu savolni umumiy holatga qo'yish shaxmat ustasidan dunyodagi eng kuchli (zo'r) yurish nima deb so'rashga o'xshaydi. Umuman eng kuchli yoki yaxshi yurish degan narsa o'yindagi biror holat va raqibning o'sha vaqtdagi fe'l-atvoriga bog'liq. Insoniyatning mavjudligi ham bu bilan bir xil. Odam hayotning mavhum ma'nosini qidirmasligi kerak. Barchaning hayotida bajarilishi kerak bo'lgan aniq vazifalaridan iborat aniq bir missiyasi yoki safari bor. Shuning uchun na uni alamashtirib, na uning hayotini takrorlab bo'ladi. Hammaning vazifalari ularda bor imkoniyatlardek o'zgacha bo'ladi.

Hayotdagi har bir holat insonga qiyinchilik yoki hal qilish uchun muammo paydo qilganida, hayotning ma'nosi savoli o'zgarishi mumkin. Avvalambor odam hayotning ma'nosini so'ramasligi kerak balki u o'zi so'ralayotgan shaxs ekanligini tan olishi kerak. Bir so'z bilan aytganda, har bir inson hayot tomonidan so'ralgan; va u faqatgina o'zinining hayotiga javob berish bilangina bu savolga javob bera oladi; u hayotga ma'suliyatli bo'lish bilangina javob bera oladi. Shunday qilib, Logoterapiya insoniyat mavjudlgining asosiy mohiyati ma'suliyatdaligini ko'rsatadi.

— "The Meaning of Life" (Viktor E. Frankl) kitobidan tarjima qilindi.

P.S: Tarjimada xatoliklar bo'lishi mumkin, shuning uchun asl inglizcha variantini Kommentda yozib qo'yaman.

𝚃𝚎𝚕𝚎𝚐𝚛𝚊𝚖: 𝐒𝐚𝐦𝐚𝐧𝐝𝐚𝐫𝐆'𝐚𝐧𝐢𝐲𝐞𝐯 𝐁𝐥𝐨𝐠

1+1≥2 (Synergy)

The sum of the parts are greater than the whole.
*Qismlarining yigʻindisi butunidan koʻra kattaroq.*

7 habits of highly effective people.
Steven Covey.

Samolyotlar kamida 4-5 ta qismi ishdan chiqqandagina qulaydi.

Kompyuter uchun kerakli simlarning hammasi ulanganidagina u to'g'ri ishlaydi.

Hamma harflarni ishlatganingdagina so'z yoki gaplarni ma'noli va to'g'ri qilib tuza olasan.

Matematikada formulalarni ko'pini bilib ularni bir-biri bilan bog'lab ishlatganingdagina misollarni oson va tez yecha olasan.

Odamlar bitta Reels yoki kitob bilan o'zgarib qolmaydi, vaqt o'tib hammasi yi'g'ilib o'zgartiradi.

Bu listni hali ko'p davom ettirish mumkin. Lekin eng asosiy ma'no bir nechta ko'nikma va narsalarni birlashtirib ishlatish ularni alohida foydalanishdan ko'ra ancha ko'p foyda beradi.

Shuning uchun ham 1 ta kuchli insondan ko'ra 10 ta o'rtacha inson ko'pincha afzal ko'riladi. (Har doim emas)

Ishingda bog'liqliklarni izla, iloji boricha hamma narsani bir-biriga bog'la va bunaqa bog'liqliklarni ko'paytirib borishga harakat qil.

Bu haqida to'liqroq o'qimoqchi bo'lsangiz ushbu kitobning oxirgi bobini o'qing.

𝚃𝚎𝚕𝚎𝚐𝚛𝚊𝚖: 𝐒𝐚𝐦𝐚𝐧𝐝𝐚𝐫𝐆'𝐚𝐧𝐢𝐲𝐞𝐯 𝐁𝐥𝐨𝐠

Men ham Telegram va Youtubeni tozalab chiqayapman.

Kimnidir kanalidan chiqib ketsam to'g'ri tushunasizlar.

Katta Challenge boshlayapman, shu yil oxirida natijasi aniq boʻladi.

Stay Tuned!.

Qanaqa Challenge deb oʻylaysiz?


𝚃𝚎𝚕𝚎𝚐𝚛𝚊𝚖: 𝐒𝐚𝐦𝐚𝐧𝐝𝐚𝐫𝐆'𝐚𝐧𝐢𝐲𝐞𝐯 𝐁𝐥𝐨𝐠

Hafta xulosalari - 1

— Qancha ko'p gapirsang, shuncha obro'ying tushadi.

— Har qanday sharoitda ham yashasang bo'ladi, rizqing yozib qo'yilgan. (Yana bir bor amin bo'ldim).

— Yaqin insonlaringni doimiy yo'qlab turish senga huzur-xalovat beradi. Ular senga yanada yaqinroq bo'lishadi.

— Imkoniyatni va omadni nafaqat kutish kerak balki unga tayyor ham turish kerak.

— Hamma narsa doimiylik ustiga qurilgan. Agar zanjirni bir marta uzsang, yana qaytadan boshlashingga to'g'ri kelarkan.

— Hech nima kutganingdek yaxshi yoki yomon bo'lmaydi.

— Orzularni faqat o'ylab yuraversang, orzuligicha qolib ketarkan.

— Maqsadlaringni balandroq qo'y, chunki ko'p holatlarda ularga 100% erisha olmaysan va hech bo'lmaganda qoniqarli darajada bajarishing mumkin.

— Har doim bo'sh vaqt topa olasan, xohish va aniq reaja bo'lsa bo'ldi.

— Qanday muomala qilsang, shunday javob olasan.

— Kundalik yozishning foydalari ko'p ekan. Yozib ko'ring.

#Week 1 #Review #xulosalar

P/S: Endi haftadan olgan xulosalarimni har Yakshanba kuni yozib turaman. Agar bilimim yetarli bo'lsa ular haqida alohida uzun postlar ham yozaman. Fikrlaringiz?

𝚃𝚎𝚕𝚎𝚐𝚛𝚊𝚖: 𝐒𝐚𝐦𝐚𝐧𝐝𝐚𝐫𝐆'𝐚𝐧𝐢𝐲𝐞𝐯 𝐁𝐥𝐨𝐠

To'g'ri fikrlar va Yo'l!
Eng to'g'ri vaqt hech qachon kelmaydi.

P/S: Kanalni doimiy kuzatib boraman, Ko'p narsani o'rgana olasiz, obuna bo'lib qo'ying!

Seni bu darajaga yetishingga sabab boʻlganlarni unutma!

Tiniq osmondagi yulduzlar

Qishloqda kechasi ketayapman, oy porlab turibdi, yulduzlar esa chiroyli yorug'lik taratayaptiki, ko'rib ko'z quvnayapti.

Hammasi shunchalar tiniqki bemalol minglab yulduzlarni oddiy ko'z bilan sanasa bo'ladi.

Oxirgi bir necha yillarimni shaharda o'tkazganimdan beri, bunaqa tiniq osmonni ko'rmagandim.

Bir eslab ko'ring qachon oxirgi marta tiniq osmonga qarab yulduzlarni tomosha qilgandingiz? O'ylanib qoldingizmi? Men ham!

Nega? deb o'ylay boshladim va ularni hayotdagi ba'zi narsalarga solishtirib bir nechta sabablar ham topdim.

Birinchidan, yulduzlarni ko'rishimizga to'sqinlik qiladigan, mayda chiroq va yorug'lik taratuvchi qurilmalar ko'p edi.

Ikkinchidan, haqiqatdan bunday yulduzlar har doim osmonda charaqalab turishini bilmaymiz yoki esdan chiqarib qo'yarkanmiz.

Endi bir o'ylab ko'raylik, hozirda mayda yorug'larga e'tibor berib haqiqiy yulduzlarni hattoki borligini ham unutib qo'ymayapmizmi?

Yaʼni kichik orzularga berilib, oʻzi hayotga asl kelib bajarishimiz kerak boʻlgan oliy maqsadlar qolib ketmayaptimi?!

Tiniq osmonga ham qarab yulduzlarni sanab turing!

𝚃𝚎𝚕𝚎𝚐𝚛𝚊𝚖: 𝐒𝐚𝐦𝐚𝐧𝐝𝐚𝐫𝐆'𝐚𝐧𝐢𝐲𝐞𝐯 𝐁𝐥𝐨𝐠

Indsitractable

Eng ko'p chalg'ituvchi qurilmalar va narsalar bo'lgan zamonda yashayapmiz va ularga qarshi kurashish yo'llarini ham o'zlashtirishimiz kerak.

Zamonaviy qurilmalar chalg'ishlarimizning asosiy sababimi?

Qanday qilib diqqatni bir joyga jamlab, uzoq vaqt chalg'imasdan ishlash mumkin?

Telefon va kompyuterdagi ilova va sitelardan qanday to'g'ri foydalansa bo'ladi?

Shu va shu kabi savollarga kitobdan javob topish mumkin.

Time Management is Pain Management! deyiladi kitobda. Negaligini esa kitobdan topasiz.

Kitobda 10 Daqiqa qoiadsi ham chiroyli tushuntirib berilgan va amalda qo'llaganimda yaxshigina foyda berdi. U haqida to'liq keyingi postlarda yozaman.

Kitob 5 yil avval yozilganiga qaramasdan hozirgi kundagi deyrli barcha zamonaviy qurilmalarni qamrab olgan va ulardan himoyalanish uchun turli xil usullarni tavsiya qiladi.

Qisqa qilib aytganda, qanday qilib chalg'imas inson bo'lishni o'rganasiz.

Kitobning PDF variantini quyidagi linkdan yuklab olishingiz mumkin.

𝚃𝚎𝚕𝚎𝚐𝚛𝚊𝚖: 𝐒𝐚𝐦𝐚𝐧𝐝𝐚𝐫𝐆'𝐚𝐧𝐢𝐲𝐞𝐯 𝐁𝐥𝐨𝐠

Haqiqiy hayotga ham chalgʻib turing.

Koʻplab bloglarni kuzataman. Har kuni yangi maʼlumot, foydali postlar...

Doimiy kuzatadigan bloglarimdan birida kuz kirib keldi deb bir nechta rasmlar bilan post joylanibdi.

Rasmda sargʻaygan barglar kundan kunga koʻpayayotgan daraxtlar boʻlgan Toshkentning mashhur koʻchalaridan biri.

Rasmni koʻribgina bildim, kuz kelganini. Barglar rangi oʻzgarib boshlaganini.

Har kuni ishga borib kelaman, taxminan 2 soat vaqtim yoʻlda oʻtadi, lekin biron marta telefonidan boshimni koʻtarib atrof muhitni tomosha qilmabman.

Hatto dam olish kunlarida ham faqatgina uyda vaqt oʻtkazaman.

Huddi, yoʻlda yurganimda podkast, turli Youtube videolarini koʻrib foyda olayotgandekman, lekin oʻylab qarasam haqiqiy hayotda emas, ijtimoiy tarmoqlarda yashashga oʻrganib qolibman.

Tabiat qoʻynida aylanib, sal chalgʻib ham turish kerak ekan.

Daraxtlar bargi sargʻayib toʻkilishi mayli, yaqinlarimiz, ota-onamiz ham shunday qarib bormayaptimikan? Bir telefonni chetga olib kuzatib koʻring, koʻpga emas daqiqalar yetadi...

Bu postni oʻzimga eslatma sifatida yozdim, sizga ham tavsiyam shu haqiqiy hayotga ham orada chalgʻish bilan vaqt ajratib turing.

P/s: Qaysi blogliga qiziqqanlar uchun post linki.


𝚃𝚎𝚕𝚎𝚐𝚛𝚊𝚖: 𝐒𝐚𝐦𝐚𝐧𝐝𝐚𝐫𝐆'𝐚𝐧𝐢𝐲𝐞𝐯 𝐁𝐥𝐨𝐠

Bir o'qib ko'ring, foydali post ekan...

Universitet (O'zbekiston)

Bugun Mandat chiqdi!
O'qishga kirganlar sizni tabriklayman,
Kirolmaganlarni esa 2x tabriklayman.

Birinchidan, quyidagi savollarga javob topishga yetarlicha vaqtingiz bo'ladi:

—O'qishga haqiqatdan qiziqishingiz uchun topshirdingizmi?
—Yoki bu qarorni o'rtoqlaringiz, ota-onangizning xohishi bilan qabul qildingizmi?
—Ushbu soha kelajakda aktual bo'ladimi?
—Tanlagan sohangizga universitet kerakmi?

O'z ustingizda ishlang va bu yilda qanday kasb egasi bo'lishingizni va bu kasb uchun haqiqatdan ham universitet kerakmi yoki yo'q aniqlab oling va mos ravishda harakat qiling.

Ikkinchidan, yiliga taxminan 1,200 soat vaqtingizni boshqa kerakli sohaga sarflasangiz bo'ladi.

Bu vaqtda kasb o'rganing, shogird tushing, networking qiling, kitob o'qing, sayohat qiling.

Uchinchidan, kelajakda vaqtingizni behuda sarflanganingizga afsuslanmasligingiz ehtimoli bor.

Masalan, men o'qishni tashlab ketganimga ham bir yil bo'layapti. TFI(Toshkent Moliya Instituti) da sirtqi bosqich ta'limida o'qirdim. Odatiy darslarning biri haqida bu postda yozgandim.

Birinchi darsga borishim bilan hafsalam pir bo'ldi. Atrofimdagilarning birortasi bilim olish uchun emas, Diplom karton qog'ozini olish uchun kirgan ekan.

Hozir Afsuski, O'zbekistonda diplom uchun o'qish trend bo'lib qoldi. Sirtqi bo'limda o'qiyotgan talabalarning 90% dan nega universitetga o'qishga kirding deb so'rasangiz, Diplom olib qo'yishga deb javob beradi va bu juda ham achinarli holat.

O'qishga kirolmasa hamma bolani ahmoqqa chiqaradi, kelajagi yo'qligiga da'vo qilishadi.

Bundan ham achinarlisi, xususiy universitetlarning ko'plari pul ishlash maqsadida IELTS 4-5 olganlarga ham, DTM testidan 50-60 ball olganlarni ham o'qishga qabul qilishayapti. (Ular haqida keyingi postlarda yozaman)

Umid qilamizki, hali O'zbekiston o'zgaradi va bitiruvchilar faqat diplom uchun emas, balki o'z sohasida mutaxassis bo'lish uchun o'qiydigan bo'lishadi.

Kelajgingizni hozirdan quring, rejalaringizni yaxshilab tuzib oling!

Kimda mendagi kabi holat bo'lgan? Izohlarda o'z hikoyangizni baham ko'ring.

𝚃𝚎𝚕𝚎𝚐𝚛𝚊𝚖: 𝐒𝐚𝐦𝐚𝐧𝐝𝐚𝐫𝐆'𝐚𝐧𝐢𝐲𝐞𝐯 𝐁𝐥𝐨𝐠