Aslida esa, prokuratura tizimi davlat va jamiyat manfaatlarini himoya qiluvchi, fuqarolarning huquqlari buzilishiga qarshi kurashuvchi organ hisoblanadi.

Bugungi kunda prokuratura organlari nafaqat jinoyatlarni aniqlash va ularning oldini olish, balki aholining huquq va erkinliklarini ta’minlash, qonun ustuvorligini mustahkamlashda ham muhim o‘rin tutadi.

Ayniqsa, davlat hokimiyati organlari va mansabdor shaxslar fuqarolarning huquqlarini buzishiga yo‘l qo‘ymaslik, kam ta’minlangan va ijtimoiy himoyaga muhtoj qatlamlarning manfaatlarini himoya qilishda ham prokurorlar faol ishtirok etmoqda.

Prokuratura – adolat mezoni, qonunbuzarliklarga qarshi xalq manfaatlarini himoya qiluvchi tashkilot. Uning vazifasi jazolash emas, balki qonunlar ijrosini ta’minlash, insonlarning haq-huquqlarini himoya qilishdir.