Oyni etak bilan yopib bo'lmaydi...You Tuber, "Subyektiv" ko'rsatuvining sobiq boshlovchisi Jamshidxon Ziyoxonovning
“Qora Angliya” nomli navbatdagi videosini ko'rdim. Ko'plab xulosalar chiqardim. Xolis kuzatuvchi va jarayonlarga befarq bo'lmagan shaxs o'laroq fikrlarim bilan o'rtoqlashmoqchiman.
🎦 Bu gal ham bloger Jamshidxon aka yuki katta bo'lgan mavzuni yetarlicha ochib berdi degan xulosaga keldim. Ushbu ko'rsatuv o'zida jiddiy ijtimoiy mavzularni yoritish borasidagi qiziqarli va muhim yondashuvni namoyon qiladi. Ko'rsatuvda Angliyaning ko‘p hollarda omma e'tiboridan chetda qoladigan yashirin jihatlari, jamiyatdagi tengsizlik, migrantlar va talabalar duch kelayotgan muammolar hamda yashash sharoitlari haqida so‘z yuritiladi.
❗️Ko'rsatuvning kuchli tomonlari:✅
Haqiqatni ochib berish: Bloger doimgidek o‘ziga xos uslubda, dalillarga asoslanib, odatda kam muhokama qilinadigan mavzularni yorqinroq ochib bergan. Bu Angliyadagi hayotning nafaqat ko‘zni qamashtiruvchi tomonlarini, balki "pushti" ko'zoynaklarsiz ko'rilgan hayot qiyinchiliklarini ham ko‘rsatishga yordam beradi.
✅ Analitik yondashuv: Ko'rsatuv muallifining voqealarni o‘rganib, ularni tushunarli tarzda izohlab berishi, ko‘rsatilgan masalalarga jiddiylik bag‘ishlaydi. Undagi statistik ma'lumotlar va voqelikning vizual tasvirlari ham dasturning ishonchliligini oshiradi.
✅
Emotsional ta'sir: Ko'rsatuvda migrantlar yoki talabalar hayoti haqida hikoya qiluvchi real hayotiy voqealar tomoshabinlarga chuqur ta'sir o‘tkazishi mumkin. Bu esa ijtimoiy mas'uliyat hissini kuchaytiradi.
🌐 Bundan tashqari, ko'rsatuvning to'liq davri mobaynida mavjud
"stereotip"larning natijasini ko'rishimiz mumkin. Ha, o'sha biz bilgan
"Odamlar nima deydi?" , "Erkak hamma muammosini o'zi hal qilish kerak", "Qarindosh-urug' nima deydi?" qabilidagi shuurimizga o'rnashib olgan me'daga teguvchi gaplar.
Nazarimda, erkak hamma muammosini o'zi hal qilish kerak, lekin u ham daldaga muhtoj bo'ladi va ular bu istakni hamma vaqt ham ochiq aytavermaydi. Ko'rsatuvda esa aynan shu istakni aytolmasdan
"qochoq" degan nomni olishga ham tayyor bo'lgan yurtdoshlarimiz borligi ming afsuski, haqiqat!
To'g'risi, o'zimda ham
bakalavr davrimni tugatib, Amerikaga ketish istagi kuchli bo'lgan. Ketish va moslashib yashash uchun ehtimoliy pullarni yig'ish rejalarini maslahat qila boshlagandik ham... Xonadoshlarim bilan Amerika orzusida yashadik ham ma'lum muddat.
Hattoki, 1 yilda o'zimizdan orttirib uyga ham yuboramiz degan
"strategiyalar" ham tuzgandik.
Ehh...."Maqsad o'qish bo'lsa va bu o'qish davomida sizda yetarli pul bo'lsagina bu yerlar haqiqiy imkoniyatlar makoni" deb ko'rsatuv ishtirokchilarining aytmishlari odamni ancha hushyor torttirib qo'ydi.
Ko'rsatuv o'z nomi bilan
"Qora Angliya" deb nomlanganligi uchun ham unda faqat tanganing ikkinchi tomoni aks etgan. Bu
,aynan, siz ham Angliyaga borsangiz shunday hayot kechirasiz degani emas. Shunday ekan, ko'rsatuvning nomiga xos tarzda talqin qilinsa maqsadga muvofiq bo'ladi.
👍
Umuman olganda, bu ko'rsatuv ijtimoiy masalalar haqida chuqurroq o‘ylashga undaydi va migrantlar hayotining murakkab tomonlarini ko‘rsatishda katta hissa qo‘shadi. Bunday mavzularga qiziqqan kishi sifatida ushbu ishni nafaqat tomosha qilishni, balki undagi fikrlarni tahlil qilishni ham tavsiya qilaman.
@Quvonchbek_Gaybullayev
