❗️Жорий йилда ҳудудларда жами 8,1 миллион квадрат метрдан иборат бўлган 135 минг квартирали уй-жойлар қурилади

АОКАда ўтказилган брифингда Қурилиш ва уй-жой коммунал хўжалиги вазирлиги ахборот хизмати раҳбари Саидносир Усмонов маълумот берди.

🖊Жумладан:

⏺ «Янги Ўзбекистон» массивларида – 28 минг 219 хонадонли;
⏺реновация ҳудудларида – 20 минг хонадонли;
⏺«Янги Тошкент» ҳудудида – 15 минг хонадонли;
⏺уй-жойга талаб юқори бошқа ҳудудларда – 71 минг 781 хонадонли уйлар барпо этиш белгиланди.

✅2025 йил 1 мартдан “Янги Ўзбекистон” массивлари учун янги ҳудудлар урбанизация тамойилларига мувофиқ танланади.

✅2025 йил 1 майдан бошлаб “Янги Ўзбекистон” массивларини барпо этиш доирасида ер участкаларини кўп квартирали уй-жойлар қуриш учун ижарага бериш бўйича аукцион савдоларида қатнашиш, кўп квартирали уй-жойларни қуриш ва уларни реализация қилишга фақат қўшилган қиймат солиғини тўловчи юридик шахсларга рухсат этилади.

✅Аукцион савдоларида ер участкасини кўп квартирали уй-жой қуриш учун ижарага олган юридик шахслар ижарага олган пайтдан бошлаб 12 ой давомида ушбу ер участкаси бўйича ер солиғини тўлашдан озод қилинади.

✅Қурилишни бошлашдан фойдаланишга рухсатнома беришга қадар бўлган жараёнлар тўлиқ онлайн режимида “Шаффоф қурилиш” тизимида амалга оширилади.

✅Энди инспекцияда рўйхатдан ўтган ва у томонидан назорат қилинадиган кўп квартирали уй-жойларни фойдаланишга рухсатнома беришдан олдин инструментал-техник текширувдан ўтказиш амалиёти бекор қилинмоқда.

📝 Батафсил

Telegram | Facebook | Instagram | Youtube | Медиабанк