Yoshlar taklifi amalga oshmoqda: Qo‘qonda "Start-up markazi" tashkil etiladi

🇺🇿Qo‘qon shahar hokimi Marufjon Usmonov yoshlar bilan o‘tkazilgan uchrashuvda bildirilgan takliflarni amaliy ijroga yo‘naltirish ishlarini davom ettirmoqda. Uchrashuvlar davomida yoshlar tomonidan berilgan innovatsion g‘oyalar va loyihalar alohida e’tiborga olinmoqda.

🇺🇿"Hokim va yoshlar" uchrashuvida ilgari surilgan tashabbuslar asosida, shahar hokimi kuni kecha yosh tashabbuskorlardan biri bilan uchrashib, "Start-up markazi" tashkil etish taklifini muhokama qildi. Muhokama jarayonida yoshlar tashabbusini qo‘llab-quvvatlash maqsadida tegishli tashkilot vakillari ishtirok etib, tashkiliy vazifalar belgilab olindi.

🇺🇿Ushbu markaz Qo‘qon yoshlari uchun yangi imkoniyatlar eshigini ochib, ularning ijodiy hamda innovatsion salohiyatini rivojlantirish uchun mustahkam poydevor bo‘ladi. Shuningdek, startaplarni amalga oshirish uchun zarur shart-sharoitlar yaratiladi.

#qoqon #hokim #yoshlar #startup

✅ Yoshlar - kelajak bunyodkori!
👉 @Qoqonyoshlari‌‌ | Jamoasi