#lirika
Qaysi oshiq baxtini quchdi,
Olma otdi qaysi malika?
Boğda "tôp-tôp"- olmalar tushdi-
Sukunatga tôp-tôp vahima.

Qoronğuda terak uchida
Qaysi shamol chopdi kôpkari?
Xovuz- yulduz tôla ichida-
Osmonni naq qôydi tôntarib.

Sen yiğlading termulib boqqa-
Boğda gôzal edi tun behad!
Men yelkangga qôlim qôymoqqa
Na kuch topdim, na rahm-shafqat.

Faqat men ham boğlarga boqdim,
Chiroqlarim kôksimda ôchib.
Nazarimda uzoq-uzoqdan
Boqqa ruhlar keldilar kôchib.

Shunday kecha yangi dunyoga
Shayton olma uruğin qadar.
U jim boqar Momo Xavoga,
U ham buyuk-mangulik qadar...
Usmon Azim