Ilm bor joyda kitob ko‘payadi. Kitob bor joyda ilm rivojlanadi. Hozirgacha har bir jamiyatdagi kitoblar va ularga bo‘lgan munosabat o‘sha jamiyat a’zolarining ilmga bo‘lgan munosabatining o‘lchovi bo‘lib kelgan. Xuddi shu holat musulmonlar hayotida ham o‘z aksini topgan. Milodiy to‘qqizinchi asrdan boshlab, musulmonlarda haqiqiy boylik deganda, kitob tushunilgan. Birovga eng qimmatbaho hadya qilishni xohlagan odam kitob olib borgan.