Ҳаёт ташвишлари сабаб сиқилаяпсизми? Қўлингиз бирор ишга боргиси келмаяптими? Ҳаётда нимага эришдим дея ўзингизга савол бераяпсизми? 30 ёшдамисиз?

Унда ўрта ёш инқирозига хуш келибсиз биродари азиз!

Ўрта ёш инқирози ҳақида

30-50 ёш атрофидаги кишиларда ўрта ёш инқирози келиб чиқиш ҳолатлари учраб туради. Бундай кризис одатда эмоционал ва психологик ўзгаришлар билан биргаликда содир бўлади. Мазкур ёшдаги симптомлар ҳаммада ҳар хил кечиши мумкин, бирор кенг тарқалган, умумий бўлган белгилар ҳам мавжуд. Шуларни кўриб чиқамиз.

1. Ҳаёт тўғрисида мулоҳазалар:

Эришилмаган мақсадлар ва ушалмаган орзулар ҳақида афсусланиш.

2. Приоритетлар ўзгариши:

Карерани, ҳаёт тарзини ёки муносабатларни ўзгартириш истагининг пайдо бўлиши.

3. Депрессия ва безовталик:

Безовталик ҳисси ёки тушкунлик ҳолатларининг ортиб бориши.

4. Ҳаёт маъноси қидириш:

Янги машғулот ёки мақсад излаш билан кун ўтказиш

5. Конфликтларнинг кучайиши:

Яқин инсонлар, ҳамкасблар ёки турмуш ўртоғи билан баҳслар кўпайиб бориши.

6. Жисмоний ўзгаришлар:

Танадаги ўзгаришларни пайқаш, масалан, қариш, соғлиқ билан боғлиқ муаммолар.

7. Импулсив қарорлар:

Ишни ўзгартириш, ажрашиш ёки қимматбаҳо нарсаларни сотиб олиш каби ўйламай қилинган ҳаракатлар.

8. Ўзини бошқалар билан таққослаш:

Ўз ҳаётини бошқа инсонларнинг ҳаёти билан доимий таққослаш.

Таъкидлаб ўтиш жоизки, ўрта ёш инқирози – бу ҳаёт циклининг табиий қисми бўлиб, дўстлар, оила ёки руҳий саломатлик бўйича соҳа мутахассислари кўмагида енгиш мумкин.

@ psixobloguz