#Танлов

⚡️⚡️⚡️ “Энг фаол кутубхона мудири” танловининг Паркент туман босқичи якунланди

Тумандаги 30-мактабда “Энг фаол кутубхона мудири” танловининг Паркент туман босқичи ўтказилди.

Мактаб кутубхона мудирлари орасидан илғор, ижодкор, маҳоратли, ташаббускор, фидойи кутубхона мудирларини аниқлаш ва уларнинг ижодий фаоллигини ошириш, ёшларни баркамол шахс этиб тарбиялашга қўшаётган ҳиссаси учун рағбатлантириш, иш тажрибаларини оммалаштириш ҳамда кутубхоначилик касбининг нуфузини янада оширишга қаратилган танловда туманидаги мактабларнинг кутубхона мудирлари иштирок этди.

Танлов 2 та – “Кутубхона мудири ўзи фаолият олиб бораётган мактаб кутубхонаси ва иш фаолияти, мақсад-вазифалари, кутубхонада инновацион лойиҳаларнинг жорий қилинганлиги бўйича мавзуга мос тайёрланган фотоалбомни шарҳлаш” ҳамда “Кутубхоначилик соҳасига оид савол-жавоб” шартида ўтказилди.

Малакали ҳакамлар ҳайъати томонидан баҳолаб борилган баҳсларда 1-ўринга лойиқ кўрилган 29-мактаб кутубхона мудираси Ёрқиной Азизова танловнинг вилоят босқичида қатнашиш ҳуқуқига эга бўлди.

Шунингдек, танловда 2-ўрин 49-мактаб кутубхона мудираси Новвар Наримоновага, 3-ўрин эса 36-мактаб кутубхона мудираси Зарохат Жўраевага насиб қилди.

Танлов якунида ғолиб бўлган жамоаларга махсус диплом ва эсдалик совғалари топширилди.

Энди 29-мактаб кутубхона мудираси Ёрқиной Азизова мазкур танловнинг Тошкент вилоят босқичида Паркент тумани шарафини ҳимоя қиладиган бўлди.

👉 @PARKENT_TONGI