Ba'zi odamlar ishga butun qalbi va borlig‘ini bag‘ishlaydi. Ular mehnat qilishadi, har narsani nazorat qilishga harakat qilishadi, lekin natijada nima bo‘ladi?

Asabiylik, charchoq, depressiya va sog‘liq muammolari.

Nima uchun bunday bo‘ladi? Chunki ular vaqtni boshqara olmaydi. Ish hamma narsadan ustun bo‘lib qoladi.

Yaqinda bir shifokor menga shunday dedi:
"Men juda kasalman, organizmim ishdan chiqqanday, nima qilishim kerak?"

Tekshirib ko‘rsak, u hech qachon dam olmas ekan. Tabiat qo‘yniga chiqmaydi, kunlarni faqat ish bilan o‘tkazadi. Eng og‘ir tomoni – oila uchun vaqt ajratmaydi. Bolalari, eri e’tibordan chetda qolgan. Natijada, uning tanasi ham, ruhi ham butkul charchagan...

Agar sizda hma shu muammo kuzatilayotgan bo'lsa, prioritetlarni aniqlab olishingiz zarur.

Birinchi o‘rinda – OILA, SOG‘LIQ va ISH. Ular o‘rtasida muvozanat bo‘lishi shart!
Ikkinchi o‘rinda – DAM OLISH. Tana va ong to‘liq tiklanishi kerak.
Uchinchi o‘rinda – YANA OILA. Yaqinlaringiz bilan vaqt o‘tkazing, ularning mehrini his qiling.

Shuni unutmang:
Agar tanangiz va ongingiz charchagan bo‘lsa, sizdan hech qanday foyda chiqmaydi. Qachonki dam olsangiz, oila va hayot zavqini his qilsangiz – shundagina haqiqiy baxt va muvaffaqiyat sari yo‘l ochiladi!