2025-yil 7-fevral kuni O‘zbekiston Respublikasi Prezidenti tomonidan "O‘zbekiston – 2030" strategiyasini "Atrof-muhitni asrash va "yashil iqtisodiyot" yilida amalga oshirishga oid davlat dasturi to‘g‘risida"gi farmon imzolandi. Ushbu dastur mamlakatimizda ekologik barqarorlikni ta’minlash, tabiiy resurslardan samarali foydalanish kabi ustuvor yo‘nalishlarni o‘z ichiga oladi.

Mazkur davlat dasturining maqsad va vazifalarini keng jamoatchilikka yetkazish, uni amalga oshirishda mahalliy darajadagi ishtirokni kuchaytirish maqsadida O‘z XDP Toshkent shahar Kengashi tomonidan tadbir tashkil etilmoqda. Tadbir doirasida Xalq deputatlari Yunusobod tuman Kengashi deputatlari S.Sobirjonov va G.Azimova ishtirokida davra suhbati o‘tkaziladi.

Davra suhbatida "O‘zbekiston – 2030" strategiyasining mazkur yo‘nalishdagi asosiy ustuvorliklari, davlat dasturining amaliy ijrosi, ekologik xavfsizlikni ta’minlash hamda iqtisodiy rivojlanishni "yashil iqtisodiyot" tamoyillari asosida shakllantirish masalalari muhokama qilinadi.