#Olmazor_tumani_2025 Xalq deputatlari Olmazor tuman Kengashi deputati Ismailov Abduvali Abdumalikovich oʻzi saylangan 2-Oqtepa saylov okrugi, xususan, “Xislat” mahalla fuqarolar yigʻinida boʻlib, mahalla aholisi bilan ochiq muloqot oʻtkazdi.
Deputat dastlab mahalla yettiligi a’zolari bilan uchrashib, mahalladagi dolzarb muammolar, ularning yechimlari yuzasidan fikr almashdi. Shu bilan birga, vakant boʻlgan mahalla raisi saylovini tashkil etish masalasidagi mavjud muammolar atroflicha muhokama qilindi.
Uchrashuv davomida deputat hududda yashovchi 1-guruh nogironi G. Alikova va 2-guruh nogironi M. Zohidovning xonadoniga borib, ularning murojaatlarini tingladi, yashash sharoitlari bilan tanishdi. Murojaatlar boʻyicha mahalla ijtimoiy xodimi va profilaktika inspektori bilan kelgusi qadamlar muhokama qilinib, tegishli choralar belgilandi.