Yashnobod tumanida sayyor qabul: aholi muammolariga amaliy yechimlar izlandi

Xalq deputatlari Yashnobod tuman Kengashi deputati A. Buzurukxodjayeva tomonidan Donishmand mahallasida sayyor qabul tashkil etildi. Ushbu uchrashuv mahalla faollari va aholi vakillari ishtirokida oʻtkazilib, fuqarolarning dolzarb muammolarini oʻrganish va ularga amaliy echim topishga qaratildi.
Qabul davomida aholi tomonidan uy-joy kommunal xoʻjaligi, yoʻl ta'miri, ichimlik suvi ta'minoti, ish bilan ta'minlash, ijtimoiy yordam va boshqa masalalar yuzasidan murojaatlar bildirildi. Har bir murojaatga alohida e'tibor qaratildi va mutasaddi idoralar vakillari ishtirokida muammolarni bartaraf etish boʻyicha kelishuvlar amalga oshirildi.