40 kun internetsiz yashadim.iPhone 14'imni bir chetga otib qo'ydim. Eng arzon telefon oldim, faqat taksi chaqirish va pul o'tkazish uchun.
Instagram, Telegram, Facebook, YouTube — hammasini yig'ishtirdim. Hatto uydagilar bilan ham faqat SMS orqali gaplashdim.
Nimaga? Kimdir pul beraman dedimi? Nimani topdim, nimani yo'qotdim?
Bu 40 kunda o'zim haqimda eshitishni istamagan narsalarni tushundim:
— 24 soatim meniki edi. Lekin men uni o'zimning rivojimga emas, birovlarni boyitishga sarflagan ekanman.
— Joynamozda o'tirib ham telefon kavlagan ekanman. Tanam joynamoz ustida, ko'zim, aqlim, qalbim esa internetda edi.
— Kitobni 15 qator o'qib, Telegramga qarardim: "Nimaga javob bermayapti? Nimaga o'qib, javob yozmayapti?"
— Facebook'da notanish odamning profilini kattalashtirib o'tirardim. Uning shaxsiyatini men pishirib yeymanmi?
— O'zimdagi iqtidorni ko'mib, ustiga qabrtosh o'rnatib qo'ygan ekanman.
Va eng achchig'i — telefonni qayta qo'lga olganimda o'zimni qanday oqlashimni ham ko'rdim: "Ishim uchun kiraman", "o'zimni rivojlantiraman"…
Videoda hammasini ochiq gapirdim: nimani yo'qotdim, nimani tushundim va internetdan to'g'ri foydalanish uchun nima qilish kerak — amaliy yechimlari bilan.
To'liq video👉
https://www.youtube.com/watch?v=qswhc8DAyjw
