Muhtaram Prezidentimiz tomonidan "2025 yil ishsizlik va kambagʻallikni qisqartirishda hal qiluvchi yil boʻladi" deya takidlangan edi.

Darhaqiqat, mamlakatimizda kambagʻallikni qisqartirish umummilliy harakatga aylanmoqda. Mazkur masaladagi oʻrganishlar va orttirilgan tajribaga tayanadigan boʻlsak, kambagʻallikni faqat pul tarqatish bilan hal qilib boʻlmasligini koʻrsatmoqda.

Bu borada Gurlan tumanida ham “Kambagʻallikdan farovonlik sari”dasturi ijrosini taminlash maqsadida bir qator ijobiy ishlar amalga oshirilgan. Shulardan biri tumanning "Sahtiyon" mahallasida kambagʻal oilalarga 1,5 sotixli issiqxona qurib berilayotganligi tahsinga loyiq.
Tuman hokimi oʻrinbosari R.Raxmatillayev bilan fikr almashilib, issiqxonachilik boʻyicha yigʻilgan tajribadan kelib chiqib, issiqxonadan samarali foydalanishni oʻrgatish, yer ajratilgan xonadon egalariga dastlabki davrda tajribali issiqxona yoʻnalishidagi tadbirkorlarni, mutaxassislarni biriktirish va serdaromad ekin turini ekish boʻyicha tegishli tavsiyalar berildi.