Onam bilan...

Dunyosidan ketyapman to'lib,
Yuragimni ishqqa qorsaydim.
Niyat qildim bir odam bo'lib,
Onam bilan hajga borsaydim!

Katta bo'ldim, ulg'aydi bo'yim,
Lekin hamon boladay o'yim,
Ushalardi barcha orzuyim,
Onam bilan hajga borsaydim!

Umri g'amda o'tgan onam-a,
Alamlarni yutgan onam-a,
Tuzalishim kutgan onam-a,
Onam bilan hajga borsaydim!

Qachon kelar ekan bu onim?
O'ylayverib og'riydi jonim,
O'lsam qolmas edi armonim,
Onam bilan hajga borsaydim!

Duolarin  qilmaydi  kanda,
Duolarga javob yo'q manda,
HOJI ONAM derdim o'shanda,
Onam bilan hajga borsaydim!

Ne topardim taqdirdan nolib?
Vaqt tushmagur hamisha g'olib,
Otamni  bir  yelkamga  olib,
Onam bilan hajga borsaydim!
KANALGA OBUNA BO'LING✅

Бизлардан узоқлашманг каналимиз СИЗЛАР билан файзли
🌹🌱꧁꧂‎‌♥️♥️꧁꧂🌹🌱

Дўстларингизга улашинг!
💞💞💞💞💞💞💞💞💞

𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘
http://t.me/Onamning_Duosi_Meni_Asraydi_007