Toshkent davlar iqtisodiyot universiteti 2-sonli akademik litseyi vakillari Turkiyaning "Kabataş erkek" litseyida bo‘ldilar. Turkiya davlatiga bo'lgan tashrif davomida bir qator amaliy hamkorlik aloqalari yo‘lga qo‘yildi.

Joriy yilning 5-fevral kuni TDIU 2-sonli Akademik litseyi vakillari memorandumda ko‘zda tutilgan vazifalar ijrosi bilan tanishish maqsadida "Kabataş erkek" litseyida boʻldilar. Bundan tashqari litseyning aniq fanlar va xorijiy tillarni o‘qitishdagi ustuvor jihatlarini oʻrganishdi, o‘quv-uslubiy adabiyotlarni tadqiq qilishdi, qolaversa litseyda o‘tkazilgan seminar-konferensiyada ishtirok etishdi.
"Kabataş erkek" litseyining Vakif mudiri Ahmet Chag‘lar bilan ham uchrashuv bo‘lib o‘tdi. Bu uchrashuvda Vakif vazifalari va qanday maqsadda ish olib borish jarayoni haqida suhbat olib boʻldi.
Uchrashuvlar davomida TDIU 2-sonli akademik litseyi ijrochi direktori D.T.Komilova ta’lim sohasiga oid mas’ul shaxslar bilan turli muzokaralar olib bordi:
Shuningdek, Istanbul tuman ta’lim vaziri (Kabatash maorifi) Sedat Ishik bilan ham uchrashuv boʻlib oʻtdi. Unda Turkiya ta’lim tizimi va uning ustuvor jihatlari, TDIU 2-sonli akademik litseyining erishgan yutuqlari, muvaffaqiyatlari haqida ma’lumotlar almashildi. Muloqot davomida Sedat Ishik o‘zaro ta’lim sohasidagi hamkorlik va hamjihatlikni rivojlantirish, birodarlik va do‘stlik rishtalarini mustahkamlash maqsadida xalqaro qardoshlik memorandumi imzolash taklifini berdi. Tuman vaziri Sedat Ishit taklifi qabul qilindi va ikki tomonlama xalqaro qardoshlik memorandumi imzolandi.